Arnaıy operatsııa: 282 kg esirtki tárkilenip, 59 adam ustaldy

ASTANA. qazAqparat - Ulttyq qaýipsizdik komıteti zańsyz aınalymnan 282 keli esirtkiniń jolyn kesti, dep habarlaıdy QazAqparat.

«2022 jylǵy shilde men qazan aralyǵynda 36 esirtkige qarsy, onyń ishinde reseılik, ózbekstandyq jáne qyrǵyzstandyq áriptestestermen birlesken operatsııalar ótkizildi.11halyqaralyq jáne 14 aýmaqtyq esirtki trafıginiń arnalary joıyldy. Sıntetıkalyq esirtki óndirýmen aınalysatyn 4 jasyryn laboratorııasynyń is-áreketi beıtaraptandyryldy. Arnaıy operatsııalar barysynda esirtki qurylymdarynyń 59 qatysýshysy ustaldy. Zańsyz aınalymnan 282 keli esirtki, onyń ishinde 32 keli geroın, 11 keli apıyn, 60 keli sıntetıkalyq esirtkiler, 156 keli marıhýana, 22 keli gashısh alyndy. Sonymen qatar aınalymnan 861 «ekstazı» tabletkasy jáne psıhotroptyq zattardy ázirleýge arnalǵan 3 tonnadan asa hımııalyq reagentter shyǵaryldy», - delingen habarlamada.

Halyqaralyq esirtki bıznesine qarsy turý boıynsha is-sharalar jalǵasýda.