Arnaıy nemese shyǵarmashylyq daıarlaýdy talap etetin mamandyqtardyń tizbesi bekitildi - QR BǴM

* * *

Qazaqstan Respýblıkasy Bilim jáne ǵylym mınıstrliginiń buıryǵy

2013 jylǵy 25 sáýir №153 Astana qalasy

Arnaıy nemese shyǵarmashylyq daıarlaýdy talap etetin mamandyqtardyń tizbesin jáne Arnaıy nemese shyǵarmashylyq emtıhandar ótkizý qaǵıdalaryn bekitý týraly

«Joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 19 qańtardaǵy №111 qaýlysynyń 10-tarmaǵyna sáıkes buıyramyn:

1. Qosa berilip otyrǵan:

1) osy buıryqqa 1-qosymshaǵa sáıkes Arnaıy nemese shyǵarmashylyq daıarlaýdy talap etetin mamandyqtar tizbesi;

2) osy buıryqqa 2-qosymshaǵa sáıkes Arnaıy nemese shyǵarmashylyq emtıhandar ótkizý qaǵıdalary bekitilsin.

2. Joǵary jáne joǵary oqý ornynan keıingi bilim departamenti (F.N. Jaqypova):

1) osy buıryqtyń belgilegen tártippen Qazaqstan Respýblıkasy Ádilet mınıstrliginde memlekettik tirkelýin qamtamasyz etsin;

2) memlekettik tirkeýden ótkennen keıin osy buıryqty buqaralyq aqparat quraldarynda jarııalasyn.

3. Osy buıryqtyń oryndalýyn baqylaý vıtse-mınıstr M.Q.Orynhanovqa júktelsin.

4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

Mınıstr B.Jumaǵulov.

Qazaqstan Respýblıkasy Bilim jáne ǵylym mınıstriniń

2013 jylǵy 25 sáýirdegi №153 buıryǵyna 1-qosymsha

Arnaıy nemese shyǵarmashylyq daıyndyqty talap etetin mamandyqtar tizbesi

Qazaqstan Respýblıkasy Bilim jáne ǵylym mınıstriniń

2013 jylǵy 25 sáýirdegi №153 buıryǵyna 2-qosymsha

Arnaıy nemese shyǵarmashylyq emtıhandardy ótkizý qaǵıdalary

1. Jalpy erejeler

1. Osy Arnaıy nemese shyǵarmashylyq emtıhandardy ótkizý qaǵıdalary (budan ári - Qaǵıdalar) Qazaqstan Respýblıkasy Úkimetiniń 2012 jylǵy 19 qańtardaǵy № 111 qaýlysymen bekitilgen Joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi qaǵıdalarynyń 10-tarmaǵyna sáıkes ázirlengen jáne arnaıy nemese shyǵarmashylyq emtıhandardy ótkizý tártibin anyqtaıdy.

2. Arnaıy nemese shyǵarmashylyq emtıhandar (budan ári - shyǵarmashylyq emtıhandar) joǵary oqý oryndaryna arnaıy nemese shyǵarmashylyq daıarlyqty talap etetin mamandyqtarǵa túsetin tulǵalar úshin ótkiziledi.

3. Shyǵarmashylyq emtıhannyń maqsaty talapkerlerdiń shyǵarmashylyq qabiletteriniń jáne shyǵarmashylyq baǵyttaǵy kásipterdi meńgerýdegi tulǵalyq alǵysharttarynyń bolýyn tekserý bolyp tabylady.

4. Shyǵarmashylyq emtıhandardy joǵary oqý oryndarynyń pándik komıssııalary ótkizedi.

5. Árbir mamandyq boıynsha shyǵarmashylyq emtıhannyń sany ekige teń.

6. Shyǵarmashylyq mamandyqtarǵa talapkerlerden ótinimderdi qabyldaý olardyń tańdaǵan joǵary oqý ornynyń meken-jaıy boıynsha júzege asyrylady.

7. Shyǵarmashylyq emtıhandardy ótkizý nysany men mazmuny osy Qaǵıdalarǵa qosymshaǵa sáıkes anyqtalady.

8. Shyǵarmashylyq emtıhandy uıymdastyrý jáne ótkizý úshin quramy rektordyń buıryǵymen bekitiletin pándik komıssııalar qurylady.

9. Shyǵarmashylyq emtıhandardyń kestesin (pánniń ataýy, kúni, ýaqyty jáne ótkiziletin orny, konsýltatsııalar, nátıjelerdi jarııalaý kúni) qabyldaý komıssııasynyń tóraǵasy bekitedi jáne qujattar qabyldaý bastalǵannan keshiktirilmeı talapkerlerdiń nazaryna jetkiziledi.

10. Shyǵarmashylyq emtıhandar 25 baldyq júıe boıynsha baǵalanady. Shyǵarmashylyq emtıhannyń nátıjesi boıynsha, olardyń sátti ótkenin rastaıtyn eń tómengi ball sany - 10 ball.

11. Birinshi shyǵarmashylyq emtıhanda belgilengen ball sanynan kem alǵan talapkerler kelesi emtıhanǵa jiberilmeıdi.

2. Shyǵarmashylyq emtıhandy ótkizý tártibi

12. Shyǵarmashylyq emtıhandar ótkizý aýdıtorııasyna jiberýdi jáne emtıhandy ótkizý kezinde osy Qaǵıdalardy saqtaýdy qabyldaý komıssııasynyń jaýapty hatshysy jáne onyń orynbasary, emtıhandy ótkizýge tartylǵan arnaıy kezekshiler, tehnıkalyq hatshylar qamtamasyz etedi.

13. Shyǵarmashylyq emtıhandy ótkizý kezinde aýdıtorııada bóten tulǵalardyń bolýyna jol berilmeıdi.

14. Talapker shyǵarmashylyq emtıhanǵa kestede kórsetilgen merzimde keledi. Talapker aýdıtorııaǵa emtıhan bastalǵanǵa deıin 30 mınýt buryn jiberiledi.

15. Talapker shyǵarmashylyq emtıhan ótkizý aýdıtorııasyna jeke basyn kýálandyratyn qujatty jáne qujattaryn qabyldaǵany týraly qolhatty kórsetken jaǵdaıda jiberiledi.

16. Shyǵarmashylyq emtıhandy ótkizý kezinde bir orynnan basqa orynǵa aýysýǵa, emtıhan materıaldarymen almasýǵa, kóshirip alýǵa, aýdıtorııaǵa oqýlyqtardy, basqa da ádistemelik ádebıetterdi, mobıldi baılanys quraldaryn kirgizýge jáne qoldanýǵa tyıym salynady.

17. Shyǵarmashylyq emtıhandar tynysh jáne qolaıly jaǵdaımen qamtamasyz etiledi, talapkerlerge óz bilimi men bilik deńgeıin tolyq kórsete alýyna barynsha múmkindik jasalady.

18. Shyǵarmashylyq emtıhandardy ótkizý kezinde talapkerlerge jáne ony ótkizý úshin tartylǵan joǵary oqý ornynyń qyzmetkerlerine ózimen birge baılanys jáne elektrondyq-esepteý tehnıkalaryn alýǵa jáne paıdalanýǵa tyıym salynady.

19. Shyǵarmashylyq emtıhan bastalǵannan keıin talapkerlerge emtıhan materıaldary beriledi jáne tıtýldyq paraqtardy resimdeýge usynylǵan tártipter túsindiriledi, sondaı-aq shyǵarmashylyq emtıhannyń bastalý jáne aıaqtalý ýaqyttary, nátıjelerdi jarııalaýdyń jáne appelıatsııa ótkizýdiń ýaqyty men orny kórsetiledi.

20. Shyǵarmashylyq emtıhandy ótkizý kezinde talapkerler mynadaı talaptardy saqtaıdy:

1) tynyshtyq saqtaý jáne óz betinshe jumys isteý, emtıhan alýshymen jáne basqa talapkerlermen sóılespeý;

2) aýdıtorııada júrmeý, basqa orynǵa otyrmaý;

3) shyǵarmashylyq emtıhannyń aıaqtalǵanǵa deıin emtıhan alýshynyń ruqsatynsyz emtıhan aýdıtorııasynan shyqpaý.

21. Osy Qaǵıdalardy buzǵany úshin talapker aýdıtorııadan shyǵarylady. Bul rette emtıhan jumysynyń tıtýldyq paraǵyna emtıhan alýshynyń qolymen rastalǵan shyǵarý sebebi týraly jazylady. Talapkerdiń bul jumysy joıylady.

22. Talapker dáleldi sebeptermen emtıhanǵa keshigip nemese kelmegen jaǵdaıda ol shyǵarmashylyq emtıhandy jazbasha ótinishi men shyǵarmashylyq emtıhandy jiberip alýyna dáleldi sebepterin rastaıtyn qujattardy usynýy negizinde rektordyń ruqsaty boıynsha bekitilgen keste sheńberinde basqa ýaqytta tapsyrýǵa jiberiledi.

Shyǵarmashylyq emtıhandy jiberip alýyna dáleldi sebepter mynalar bolyp tabylady:

1) talapkerdiń aýyryp qalýy (emdeý mekemesinen aýyryp qalǵandyǵy týraly anyqtamany usynýmen rastalady, anyqtama emdeý mekemesiniń mórimen bekitiledi);

2) tótenshe jaǵdaılar, sondaı-aq jol-kólik oqıǵasy (memlekettik mekemeden tótenshe jaǵdaıdyń nemese jol-kólik oqıǵasynyń bolý faktisin aıǵaqtaıtyn anyqtama usynýmen rastalady);

3) jaqyn týystarynyń (ata-anasy, erli-zaıyp, balalary, asyrap alýshylar, asyrap alǵany, tolyqqandy jáne tolyqqandy emes aǵaıyndary men apa-qaryndastary, atasy, ájesi) qaıtys bolýy (anyqtamamen rastalady).

23. Dáleldi sebepter boıynsha shyǵarmashylyq emtıhanǵa kelmegen tulǵalar oǵan shyǵarmashylyq emtıhandardy ótkizý merziminen keshiktirilmeı qosymsha anyqtalǵan kúni jiberiledi.

24. Dálelsiz sebeptermen shyǵarmashylyq emtıhanǵa kelmegen talapkerler emtıhan tapsyrýǵa jiberilmeıdi.

25. Shyǵarmashylyq emtıhanǵa qaıta qatysýǵa jáne qaıta tapsyrýǵa ruqsat etilmeıdi.

26. Emtıhan jumystaryn tekserý tek joǵary oqý ornynyń ǵımaratynda júrgiziledi.

27. Shyǵarmashylyq jumystardy tekserýdi tek pándik komıssııanyń músheleri júrgizedi.

28. Shyǵarmashylyq emtıhandy ótkizý qorytyndylary erkin nysandaǵy baǵalaý vedomosymen jáne pándik komıssııa hattamasymen resimdeledi.

29. Tekserilgen jumystar, baǵalaý vedomosteri jáne baǵalary men tekserýshi emtıhan qabyldaýshylardyń, pándik komıssııasy tóraǵasynyń qoldary qoıylǵan hattamalar jaýapty hatshyǵa (onyń orynbasaryna) nátıjelerdi jarııalaý úshin beriledi.

30. Shyǵarmashylyq emtıhannyń nátıjeleri emtıhan ótkennen keıin kelesi kúni habarlanady.

31. Talaptardy saqtaýdy jáne shyǵarmashylyq emtıhandardy baǵalaý kezindegi daýly máselelerdi sheshýdi, emtıhan ótkizý kezeńinde shyǵarmashylyq emtıhandar tapsyrýshy tulǵalardyń quqyǵyn qorǵaýdy qamtamasyz etý maqsatynda árbir joǵary oqý ornynda apellıatsııalyq komıssııa qurylady.

Apellıatsııalyq komıssııa shyǵarmashylyq emtıhannyń nátıjelerimen kelispeıtin tulǵalardyń ótinimderin qarastyrý úshin qurylady. Apellıatsııalyq komıssııanyń tóraǵasy men quramy joǵary oqý orny rektorynyń buıryǵymen bekitiledi.

32. Apellıatsııaǵa ótinimdi appelıatsııalyq komıssııa tóraǵasynyń atyna shyǵarmashylyq emtıhan tapsyrýshy tulǵa jeke beredi. Ótinim shyǵarmashylyq emtıhan nátıjesi jarııalanǵannan keıin kelesi kúni saǵat 13.00-ge deıin qabyldanady jáne ony apellıatsııalyq komıssııa bir kún ishinde qarastyrady.

33. Apellıatsııalyq komıssııa árbir tulǵamen jeke tártipte jumys isteıdi. Tulǵa apellıatsııalyq komıssııanyń otyrysyna kelmegen jaǵdaıda onyń ótinimi apellıatsııaǵa qarastyrylmaıdy.

34. Shyǵarmashylyq emtıhan nátıjelerimen kelispeý týraly apellıatsııa boıynsha sheshim komıssııa músheleriniń jalpy sanynan kópshilik daýyspen qabyldanady. Daýystar teń bolǵan jaǵdaıda komıssııa tóraǵasynyń daýysy sheshýshi bolyp tabylady. Apellıatsııalyq komıssııanyń jumysy tóraǵanyń jáne komıssııa músheleriniń barlyǵynyń qoly qoıylǵan hattamamen resimdeledi.

35. Joǵary oqý oryndary menshik nysanyna qaramastan:

1) apellıatsııa aıaqtalǵan kúni shyǵarmashylyq emtıhandardy ótkizý nátıjelerin Ulttyq testileý ortalyǵyna tapsyrady;

2) on kúntizbelik kún ishinde bilim berý salasyndaǵy ýákiletti organǵa shyǵarmashylyq emtıhandy uıymdastyrý jáne ótkizý jónindegi qorytyndy esepti, sondaı-aq shyǵarmashylyq emtıhan tapsyrý týraly buıryqtardyń kóshirmelerin usynady.

Qazaqstan Respýblıkasy Bilim jáne ǵylym mınıstriniń

2013 jylǵy 25 sáýirdegi №153 buıryǵymen bekitilgen Arnaıy nemese shyǵarmashylyq emtıhandardy ótkizý qaǵıdalaryna qosymsha

Arnaıy nemese shyǵarmashylyq emtıhandardyń nysany men mazmuny