Arnaıy monıtorıng nátıjesinde Túrkistan bıýdjetinen 454 mln teńge únemdeldi

TÚRKІSTAN. QazAqparat – Túrkistanda bıýdjet qarajatyn tıimdi bólý jáne únemdeý maqsatynda memlekettik mekemelerde monıtorıngtik jumystary júrgizildi, dep habarlaıdy QazAqparat.

Atalmysh shara QR Sybaılas jemqorlyqqa qarsy is-qımyl agenttiginiń Túrkistan oblysy boıynsha departamentiniń janynan qurylǵan «Túrkistan – adaldyq alańy» jobalyq keńsesi aıasynda qolǵa alynǵan bolatyn.

Ońtaılandyrý jumystary barysynda qaıtalanatyn fýnktsııalardy alyp tastaý joly qarastyrylyp, oblys boıynsha jalpy sany 1001 shtat qysqartyldy.

Departamenttiń málimetinshe, óńirde júrgizilgen monıtorıngtik jumystardyń nátıjesinde memleket bıýdjetinen jalpy sommasy 454 mln 296 myń teńge únemdelip otyr. Ońtaılandyrý sharalary óńirde básekege qabiletti kásibı mamandardy jasaqtaý men kepildi eńbekaqymen qamtylǵan tıimdi memlekettik apparatty qurý maqsatynda júrgizilgen.

Aıta keteıik, búgingi kúni memleket saıasaty tıimsiz shyǵyndardy qysqartyp, transformatsııalaý isin ilgeriletýge aıryqsha basymdyq berip otyr. Shtat sanyn ońtaılandyrý protsesi el bıýdjetiniń tıimdi jumsalýyna yqpal etip, ákimshilik shyǵyndardy azaıtýǵa múmkindik beretin utymdy júıe ekenin kórsetti.