Arnaıy mekemelerde órt qaýipi bar maýsymǵa daıyndyq bastaldy
NUR-SULTAN. QazAqparat - Memlekettik orman qory aýmaǵynda 2021 jyldyń órt qaýipi bar maýsymyna daıyndyq júrip jatyr, dep habarlaıdy QazAqparat Orman sharýashylyǵy jáne janýarlar dúnıesi komıtetine silteme jasap.
Qazaqstannyń orman alqaptarynda órt qaýpi bar maýsym ár jyl saıyn sáýir aıynda ońtústik óńirlerden bastalyp, qarashaǵa deıin sozylady. Osyǵan baılanysty Ekologııa mınıstrliginiń Orman sharýashylyǵy jáne janýarlar dúnıesi komıteti jyl saıyn memlekettik orman qory aýmaǵynda órt qaýipi mol maýsymǵa daıyndyq boıynsha buıryq shyǵarady.
Osy qujatqa sáıkes, «Qazavıaormanqorǵaý» RMQK, tabıǵatty qorǵaý mekemeleri, respýblıkalyq orman selektsııalyq-tuqym ósirý ortalyǵy, Sandyqtaý oqý-óndiristik orman sharýashylyǵy, «Jasyl Aımaq» RMK memlekettik orman qory aýmaǵynda jáne oblys ákimdikteriniń orman mekemelerinde 2021 jylǵy órt qaýipi bar maýsymǵa daıyndyqty bastaldy jáne QR Tótenshe jaǵdaılar mınıstrligimen orman órtterimen kúres boıynsha ózara is josparyn ázirlendi.
Qazirgi ýaqytta oblystyq orman sharýashylyǵy jáne janýarlar dúnıesi aýmaqtyq ınspektsııalary tarapynan oblystyq ákimdikterdiń orman mekemeleriniń, QR Indýstrııa jáne ınfraqurylymdyq damý mınıstrliginiń vedomstvolyq baǵynysty uıymdarynyń, «Qazaqstan temir joly «UK« AQ jalpy paıdalanymdaǵy avtomobıl jáne temir joldarynyń boıyndaǵy orman jolaqtaryn, Komıtettiń tabıǵat qorǵaý mekemelerin, sondaı-aq joǵaryda kórsetilgen basqa da mekemelerdiń órt qaýipi bar maýsymǵa daıyndyǵy (barlyq sanıtarlyq normalardy saqtaı otyryp) tekserilýde.
»Qazavıaormanqorǵaý« RMQK orman qoryn kúzetý jáne qorǵaý boıynsha avıatsııalyq jumystardy oryndaý úshin kásiporyn qyzmetteriniń daıyndyǵyn qamtamasyz etý uıǵaryldy.
Budan basqa, atalǵan uıymdarǵa orman jáne dala órtin boldyrmaý máseleleri boıynsha BAQ-ta túsindirý jumystaryn kúsheıtý tapsyryldy.
Aıta keterligi, 2020 jyly memlekettik orman qory aýmaǵynda jalpy aýdany 102 361,67 gektarda 701 órt tirkeldi, órtten keltirilgen jalpy zalal 2 mlrd 115,5 mln teńge boldy.
Orman órtteriniń jalpy sanynan memlekettik orman qory aýmaǵynda dala órtteriniń, onyń ishinde aýyl sharýashylyǵynyń órtený saldarynan 92 jaǵdaı, basqa uıymdar men kásiporyndardyń kinásinen – 5, halyqtyń kinásinen – 49, naızaǵaıdan — 303, belgilenbegen sebepterden - 252 jaǵdaı týyndady.
Іri orman órtteri faktileri boıynsha qyzmettik tergeý qorytyndylary boıynsha memlekettik orman kúzetiniń 203 qyzmetkeri tártiptik jaýapkershilikke tartyldy, 21 qyzmetkerge ákimshilik aıyppul salyndy.
