Arnaıy qyzmet «qarýly lańkestik toptyń» kózin joıdy

ALMATY. QazAqparat - Oqý-tanystyrýǵa arnalǵan áskerı sharada qazaqstandyq arnaıy qyzmet sarbazdary qarýly lańkestik toptyń kózin joıdy, dep habarlaıdy «QazAqparat» tilshisi.

  
Oqý-tanystyrý jattyǵýynyń mindeti boıynsha, quqyq qorǵaý organy qyzmetkerleri qoımadan qarý urlap jatqan topty ustaý kerek bolady. Bul  arnaıy oılastyrylǵan jospar.

Qylmyskerlerdiń áreketi týraly habarlanǵannan keıin arnaıy jasaq tikushaqpen kelip, atalǵan qylmystyq topty joıý úshin jedel-áskerı sharaǵa kirisedi.

 

Atys barysynda eki sarbaz jaraqattanyp, jasaq quramyndaǵy medıtsınalyq tájirıbesi bar adam urys bite salysymen olarǵa alǵashqy járdem kórsetedi. Osydan keıin jaralylardy tikushaqpen evakýatsııalaıdy. 

 

Oqý-tanystyrý sharasy barysynda brondy tehnıkalar paıdalanyldy.

Aıta keteıik, atalǵan sharanyń maqsaty - urys jaǵdaıyndaǵy paramedıtsınalyq qyzmetkerdiń kómek kórsetýi boldy.