Arnaıy qurylǵy bolmasa «Medeý» muz aıdyny kóshkin astynda qalýy múmkin - Almaty ákimi
ASTANA. 4 qyrkúıek. QazAqparat - Arnaıy qurylǵy bolmasa «Medeý» muz aıdyny kóshkin astynda qalýy múmkin. Bul týraly búgin Úkimettiń selektorlyq rejımdegi otyrysynda Almaty qalasynyń ákimi Ahmetjan Esimov málim etti.
«Ózderińiz jaqsy biletindeı, Mohnatkada iri órt oryn alyp, aǵashtar qulaǵan edi. Sondyqtan da qar kóshkini qaýpi qyr astynda. Ol oryn alýy múmkin. Qoǵam da, mamandar da bul máseleni talqylady, egerde búginde kóshkin toqtatatyn qurylǵy qurylysyn salmasaq, onda munyń barlyǵy tómen syrǵyp, «Medeý» muz aıdynyn basyp basyp qalýy yqtımal», - dedi qala basshysy.
Sondyqtan da A.Esimov Úkimet basshysyna Tótenshe jaǵdaılar jáne aýyl sharýashylyǵy mınıstrlikterine atalǵan aımaqqa baryp, tosyn oqıǵanyń aldyn alýǵa qatysty sharalar qabyldaýǵa tapsyrma berýdi ótindi.
Óz kezeginde K.Másimov birinshi orynbasary S.Ahmetovke atalǵan mınıstrlik basshylaryn alyp, Almatyǵa barýǵa ári bul máseleni sol jerde sheshýge tapsyrma berdi.
