Arnaıy kýrstan ótpegen basshylar laýazymǵa taǵaıyndalmaıdy - Joldaý

ASTANA. QazAqparat - QR Prezıdenti janyndaǵy Memlekettik basqarý akademııasy Nazarbaev Ýnıversıtetimen birlese otyryp, memlekettik qyzmetshiniń kásibıligin arttyratyn baǵdarlama ázirleıtin bolady. Mundaı tapsyrmany Qazaqstan halqyna arnalǵan Joldaýyn jarııalaý kezinde Memleket basshysy Nursultan Nazarbaev berdi, dep habarlaıdy QazAqparat tilshisi.

«Eń bastysy - memlekettik apparattyń kásibıligi. Ol jańa ýaqyttyń talaby boıynsha ózgeristerge ushyraýy tıis. Birinshiden, memlekettik organnyń tıimdiligin túbegeıli arttyrý qajet. Sapa - kez kelgen memlekettik qyzmetkerdiń ómiriniń jańa stıline, qaǵıdatyna aınalýy tıis. Jańa formatsııanyń memlekettik qyzmetshileri memleket pen qoǵamnyń arasyndaǵy qashyqtyqty qysqartýy tıis. ıAǵnı, adamdarǵa jaqyn bolý kerek. Bul - árdaıym keri baılanys, qyzý talqylaý, adamdarǵa naqty qadamdar men nátıjelerdi túsindirý. Memlekettik basqarý akademııasy Nazarbaev Ýnıversıtetimen birlese otyryp, «Jańa formatsııanyń jetekshisi» baǵdarlamasyn ázirleýi kerek», - dedi Prezıdent.

Elbasynyń aıtýynsha, basshylyq qyzmetke kelgender úshin atalǵan baǵdarlama boıynsha arnaıy kýrstar ótkiziletin bolady.

«Bul kýrstardan ótpeı laýazymǵa taǵaıyndamaý kerek», - dedi Prezıdent.