Arnaıy komıssııa «Saran» shahtasyndaǵy apatty qysqartýmen baılanystyrdy
QARAǴANDY. QazAqparat - «ArselorMıttal Temırtaý» kompanııasyna shahtadaǵy shtat sany máselesin sheshýdi tapsyrdy, dep habarlaıdy «QazAqparat» HAA tilshisi.
«Biz bul apatty uıymdastyrýshylyq sebepterde kórsetilgendeı, shahtanyń tehnıkalyq baqylaý, sondaı-aq, atqarý, qyzmet kórsetý qyzmetkerleriniń jetkiliksiz bolǵandyǵynan dep esepteımiz. Demek, apat kompanııanyń qysqartý saıasatynyń saldarynan bolǵan», - dedi komıssııa tóraǵasy, QR IDM Indýstrıaldyq damý jáne ónerkásip qaýipsizdigi komıteti tóraǵasynyń orynbasary Nurbek Qunanbaev.
Komıssııa basshysy ınjenerlik-tehnıkalyq jumysshylardyń jetkiliksizdiginen jaǵdaıdyń qıyndaǵanyn atap ótti. «Biz bul máseleni de qarastyrdyq. Eger 3-4 jyl buryn slesarlar tobynyń sany 38 adam bolsa, qazir 22-ge qysqartqan. Eger tehnıkalyq baqylaýdy qamtamasyz etetin mehanıkter sany 6 adam bolsa, qazir bireýi ǵana qalǵan. Tórt kómekshi men ınjener-energetıkterdi azaıtqan. Mine, mamandar jetispeýshiliginiń saldary!», - dep atap ótti N.Qunanbaev.
Sonymen qatar, arnaıy komıssııa relstik kólik aýmaǵynda óndiristik jumyspen aınalysatyn bilikti mamandardyń tapshylyǵyn málimdedi.
Arnaıy komıssııa birneshe adam zardap shekken oqys oqıǵanyń qaıtalanbaýy úshin is-sharalar keshenin ázirledi. Ol barlyǵy - 12 tarmaqtan turady. 7-shi orynda kómir departamentiniń normalar sanyn ázirleý kózdelýde. Qujatty eńbek boıynsha ýákiletti organdarmen kelisý qajet. Kompanııaǵa osy talaptardy oryndaý úshin 2017 jyldyń 1 maýsymyna deıin ýaqyt berilgen.
