Arnaıy ekonomıkalyq aımaqtarǵa halyqaralyq basqarýshy kompanııalardy tartý kózdeledi - IDM
ASTANA. QazAqparat - Arnaıy ekonomıkalyq aımaqtarǵa halyqaralyq basqarýshy kompanııalardy tartý kózdeledi. Bul týraly búgin Senattyń Ekonomıkalyq saıasat, ınvestıtsııalyq damý jáne kásipkerlik komıtetiniń otyrysynda «Qazaqstan Respýblıkasynyń keıbir zańnamalyq aktilerine arnaıy ekonomıkalyq aımaqtardy jetildirý máseleleri boıynsha ózgerister men tolyqtyrý engizý týraly» zań jobasyn talqylaý barysynda málim boldy.
Zań jobasy arnaıy ekonomıkalyq aımaqtar qyzmetine qatysty negizgi tórt máseleni retteıdi. «Birinshiden, AEA aýmaǵyndaǵy qyzmetter túrlerinde basymdyqtardy aıqyndaý úderisteri ońtaılandyrý kózdeledi. Búgingi kúni áleýetti ınvestorlardyń qyzmet túrleri qamtylmaǵandyqtan, ondaı jobalar AEA aýmaǵyna jiberilmeı keledi. Ekinshiden, arnaıy ekonomıkalyq aımaqtar úshin biryńǵaı úılestirý ortalyǵy qurylady. Bul rette biryńǵaı úılestirý «KAZNEX INVEST» kompanııasy bazasynda qurylmaq. Oǵan basqarýshy kompanııa retinde memlekettik aktsııa paketin bir bóligin berý de kózdeledi», - dedi QR Investıtsııalar jáne damý vıtse-mınıstri Raqym Oshaqbaev.
Onyń aıtýynsha, biryńǵaı úılestirý ortalyǵy arqyly memlekettik paket aktsııalaryn senimdi basqarýdy, sonyń ishinde halyqaralyq sarapshylar men uıymdardy tarta otyryp, júzege asyrý qarastyrylady. Qazirdiń ózinde «Qorǵas-Shyǵys qaqpasy» AEA-ǵyndaǵy qurǵaq porttyń operatory retinde halyqaralyq basqarýshy kompanııalar ene bastaǵan.
«Aldaǵy ýaqytta taǵy da tórt AEA-ǵa halyqaralyq basqarýshy kompanııalardy tartý kózdeledi. Olardyń ishinde sıngapýrlyq, túrkııalyq jáne qytaılyq kompanııalar bar. Sonymen qatar, basqarýshy kompanııalar negizinen aktsıonerlik qoǵam retinde qyzmet etetindikten, olardyń basqarýshy organy Dırektorlar keńesi bolyp, onyń 51 paıyzy jergilikti atqarýshy organdarǵa tıesili bolady. Osylaısha, AEA-tarda basqarýdyń tıimdiligin aıqyndaý tizgini jergilikti atqarýshy organnyń qolynda bolady. ıAǵnı, tıisti teńgerimdilik saqtalady», - deıdi vıtse-mınıstr.
Onyń sózine qaraǵanda, zań jobasyndaǵy úshinshi jańalyq - salyq zańnamasynyń turaqtylyǵyn qamtamasyz etýge baǵyttalady. Atalǵan norma negizinen Elbasynyń sheteldik ınvestorlar keńesinde júktegen tapsyrmasyn oryndaýǵa baǵyttalady. «Tórtinshi jańalyq - AEA-tarda jer ýchaskelerin jeńildikpen paıdalaný merzimin arttyrýǵa baǵyttalyp otyr. Qazirgi kúni AEA-tar 25 jylǵa qurylatyn bolsa, ondaǵy jerdi paıdalaný qoldanystaǵy zań boıynsha tek 10 jylǵa ǵana berilip otyr. Osyǵan oraı, jańa norma arqyly jerdi paıdalaný merzimin AEA qyzmetterimen birdeı sáıkestendirý qarastyrylady», - dedi R. Oshaqbaev.
Tutastaı alǵanda, zań jobasy arqyly arnaıy ekonomıkalyq aımaqta basqarý júıesin jetildirip, ınvestıtsııalyq ahýaldy arttyrý kózdeledi.
