Arnaıy ekonomıkalyq aımaqtardyń tıimdiligin arttyrý tásilderi ázirlenip jatyr
«Arnaıy ekonomıkalyq aımaqtardyń aýmaqtarynda jasalǵan qolaıly jaǵdaı da salalardyń damýyna oń áserin tıgizedi. 2021 jyldyń 4 aıynyń qorytyndysy boıynsha 285 mlrd teńge somasyna 9 joba iske asyryldy. 1,5 myń turaqty jumys ornyn ashyldy. Osy jobalar esebinen toqyma jáne medıtsınalyq buıymdar, IT ónimderi óndirisi jolǵa qoıyldy. Qazirgi ýaqytta biz Memleket basshysynyń tapsyrmasy boıynsha AEA tıimdiligin arttyrý tásilderin ázirlep jatyrmyz», - dedi Beıbit Atamqulov.
Onyń atap ótýinshe, otandyq taýar óndirýshilerdi qoldaýǵa úlken kóńil bólinedi.
«Jergilikti qamtýdy odan ári damytý boıynsha tásilder jetildirilýde. Ol úshin qazirgi ýaqytta tıisti zańnamalyq túzetýler ázirlenip jatyr. Jer qoınaýyn paıdalanýshylarmen satyp alýdaǵy jergilikti qamtý úlesiniń eń tómengi deńgeıiniń talaptaryn saqtaý boıynsha erikti kelisimder jasasý jumystary júrgizilýde»,- dedi mınıstr.
