Arnaıy ekonomıkalyq aımaqtardy basqarý memlekettiń qatysýymen aktsıonerlik qoǵamdar túrinde qurylatyn basqarýshy kompanııalarǵa beriledi

STANA. Qazannyń 15-i. QazAqparat /Rýslan Ǵabbasov/ - Arnaıy ekonomıkalyq aımaqtardy basqarý memlekettiń qatysýymen aktsıonerlik qoǵamdar túrinde qurylatyn basqarýshy kompanııalarǵa beriledi.

Bul týraly búgin Astanadaǵy Údemeli ıdýstrııalyq-ınnovatsııalyq damý memlekettik baǵdarlamasynyń iske asyrylýyn qadaǵalaý jáne monıtorıng boıynsha sarapshylyq tobynyń otyrysynda QR Indýstrııa jáne jańa tehnologııalar vıtse-mınıstri Berik Qamalıev málim etti.

Vıtse-mınıstrdiń aıtýynsha, elimizdegi Arnaıy ekonomıkalyq aımaqtar jumysy tıisti qarqynda emes. Atap aıtqanda, ázirge atalǵan aımaqtardyń jumysy aıaǵyna deıin jolǵa qoıylmaǵan. «Onda quqyqtyq rejim áreket etedi. Bul degenimiz, osy turǵyda salyqtyq jáne kedendik jeńildikterdiń usynylýyn eskerý», - dedi B. Qamalıev. Onyń sózine qaraǵanda, búginde basqarýshy kompanııalar boıynsha birqatar usynystar jasalǵan.