Arnaıy ekonomıkalyq aımaqtar menshik ıesinen jer telimderin jalǵa alý esebinen keńeıtile alady - mınıstrlik
ASTANA. 26 jeltoqsan. QazAqparat - Búgin QR Parlamenti Májilisiniń plenarlyq otyrysynda «Arnaıy ekonomıkalyq aımaqtar (AEA) máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» zań jobasy
birinshi oqylymda maquldandy.
Zań jobasy jalpy arnaıy ekonomıkalyq aımaqtardyń ınvestıtsııalyq tartymdylyǵy men ary qaraı damýyn arttyrýǵa baǵyttalǵan. Sonymen qatar arnaıy ekonomıkalyq aımaqqa ınvestıtsııa úshin qosymsha yntalandyrý tetikterin qurý men kedergilerdi tómendetý, jekemenshiktegi jer ýchaskelerin menshik ıesinen jalǵa alý esebinen AEA-nyń aýmaǵyn keńeıtý qarastyrylǵan.
QR Indýstrııa jáne jańa tehnologııalar birinshi vıtse-mınıstri Albert Raý zań jobasyn tanystyrý barysynda AEA aýmaǵyn keńeıtý úshin jer telimderin jekemenshik ıesinen jalǵa alý turpatty shartqa sáıkes júrgiziletinin aıtty. Ony bekitý Úkimettiń ókilettiligine jatqyzylady. Zań jobasy boıynsha jumys barysynda depýtattar qujattyń bólek normalaryn jaqsartýǵa baǵyttalǵan birqatar túzetýler engizdi.
