Arnaıy ekonomıkalyq aımaq basshylary mınıstrge esep beredi
ASTANA. QazAqparat - Elimizde jumys istep turǵan barlyq arnaıy ekonomıkalyq aımaq basshylary QR Investıtsııalar jáne damý mınıstrligi aldynda atqarǵan jumystary jaıynda esep beretin bolady.
Bul týraly búgin Úkimet otyrysynda QR Investıtsııalar jáne damý mınıstri Jeńis Qasymbek aıtty, dep habarlaıdy QazAqparat.
«Ótken jyly biz arnaıy ekonomıkalyq aımaqtar qyzmetiniń tıimdiligine júıeli saraptama júrgizgen edik. Búginde zańnamalyq olqylyqtardy alyp tastaýǵa tyrysýdamyz. «Arnaıy EA-lar týraly» zań jobasy qazirgi ýaqytta Parlament Májilisiniń qaraýynda jatyr. Keshe bul máseleni Májiliste qaradyq. Birinshi jartyjyldyqta atalǵan qujatty Memleket basshysynyń qol qoıýyna engizýdi josparlap otyrmyz. Elbasynyń tapsyrmasyna sáıkes jumys istep turǵan barlyq arnaıy ekonomıkalyq aımaqtar basshylarynyń jumystaryn odan ary jetildirý boıynsha naqty usynystar engizý úshin tyńdaý ótkizemiz», - dedi Jeńis Qasymbek.
