Arnaıy áskerı jıyn: 300-ge jýyq almatylyq ótinish bildirgen
ALMATY. QazAqparat – Almatyda arnaıy áskerı jıyndarǵa áskerı qyzmetke jaramdy azamattar ǵana shaqyrylady. Bul týraly búgin onlaın-brıfıng barysynda qalalyq Qorǵanys isteri jónindegi departament basshysy Amantaı Óserbaev aıtty, dep habarlaıdy QazAqparat tilshisi.
«Shaqyrylatyn azamattar arnaıy medıtsınalyq komıssııanyń tekserýinen ótedi. Beıbit ýaqytta áskerı qyzmetke jaramsyz azamattar shaqyrylmaıdy. Tek jaramdy azamattar ǵana arnaıy jıyndarǵa shaqyrylady», - dedi Amantaı Óserbaev.
Sonymen qatar, onyń aıtýynsha, áskerı tártipke úırengen adamdar ǵana irikteledi.
«60 jasqa deıingi zapastaǵy ofıtserler men sarbazdar shaqyrylady», - dedi ol.
Onyń sózinshe, qazir qalada 300-ge jýyq adam jıynǵa qatysýǵa ótinish bildirgen.
«Áskerı esepke alý oryndarynda kezekke turyp koronavırýs taralýyna ońtaıly ahýal týdyrmaý úshin aldyn ala jergilikti áskerı esepke alý oryndaryna telefon arqyly jazylý kerek», - dedi ol.
Úsh balasy bar áskerı mindettiler shaqyrylmaıdy. Alaıda olardyń jubaılarynyń notarıýs arqyly kelisimi bolsa, shaqyrylatyn bolady.
