Arnaıy áskerı qyzmetkerler kúni merekelik kúnder tizimine endi
NUR-SULTAN. QazAqparat - Úkimet Qaýlysymen Qazaqstan Respýblıkasyndaǵy merekelik kúnderdiń tizbesine jańa data endi, dep habarlaıdy QazAqparat.
Premer-Mınıstrdiń resmı saıtynda «Qazaqstan Respýblıkasyndaǵy merekelik kúnderdiń tizbesin bekitý týraly» Qazaqstan Respýblıkasy Úkimetiniń 2017 jylǵy 31 qazandaǵy №689 qaýlysyna tolyqtyrý engizý týraly» qaýly jarııalandy.
«Qazaqstan Respýblıkasyndaǵy merekelik kúnderdiń tizbesin bekitý týraly» Qazaqstan Respýblıkasy Úkimetiniń 2017 jylǵy 31 qazandaǵy №689 qaýlysyna mynadaı tolyqtyrý engizilsin: kórsetilgen qaýlymen bekitilgen Qazaqstan Respýblıkasyndaǵy merekelik kúnderdiń tizbesi: mynadaı mazmundaǵy 11-2-tarmaqpen tolyqtyrylsyn: «11-2. Memlekettik organdardyń arnaıy maqsattaǵy bólimsheleri áskerı qyzmetshisiniń jáne qyzmetkeriniń kúni – 9 maýsym». 2. Osy qaýly alǵashqy resmı jarııalanǵan kúninen keıin qoldanysqa engiziledi», -dep jazylǵan qujatta.
Osylaısha, budan bylaı 9 maýsym memlekettik organdardyń arnaıy maqsattaǵy bólimsheleri áskerı qyzmetshisiniń jáne qyzmetkeriniń kúni retinde atalyp ótetin boldy.
