Arnaıy vızamen ǵana ruqsat - Bıyl zańsyz qajylyq jasaǵandar jazalanady
ASTANA. KAZINFORM - Saýd Arabııasy bıyl zańsyz qajylyq jasaǵan adamdar men zańsyz qajylyqty uıymdastyrǵandarǵa qomaqty aıyppul salady. Bul týraly Kazinform agenttigi Qazaqstan musylmandary dinı basqarmasyna siltememen habarlady.
— Saýd Arabııasy Koroldiginiń Qajylyq jáne umra mınıstrligi 2025 jylǵy 29 sáýir men 10 maýsym aralyǵynda qajylyq jasaý erejelerin buzǵan nemese zańsyz qajylyq jasaýda azamattarǵa kómektesken ókilderge belgilengen jazalaý sharalaryn jarııalady, - dep habarlaıdy QMDB baspasóz qyzmeti.
Málimetke saı, jazalaý sharasy mynandaı jaǵdaılarda qoldanady:
1. Lıtsenzııasyz qajylyq jasap júrgen nemese jasaýǵa áreket etken azamattar kórsetilgen ýaqyt aralyǵynda qasıetti oryndarda qalsa nemese zııarat jasasa, 20 myń Saýd Arabııasy rııaly nemese 5300 AQSh dollary kóleminde aıyppul salynady.
2. Qajylyqty oryndaýǵa áreket etip Mekke jáne qasıetti oryndarǵa kirgen, biraq «Qajylyq vızasy» joq shetel azamattaryna, sheteldikterdiń qajylyq saparyn basqa vızalar arqyly uıymdastyrǵan jaýapty ókilderge 100 myń Saýd Arabııasy rııaly – shamamen 26 myń 600 AQSh dollary kóleminde aıyppul qarastyrylǵan. Bul aıyppul sommasy árbir jalǵan vıza úshin jeke-jeke esepteledi.
Sonymen qatar zańsyz túrde Mekke aýmaǵyna kirgenderdi jasyrǵandar, tasymaldaǵan kólik júrgizýshileri, ornalastyrǵan qonaq úıler men jeke úı ıelerine de dál osynsha somada aıyppul salynady.
3. Zańsyz túrde Qajylyq jasaýǵa áreket etken azamattar, Saýd Arabııasynda ýaqytsha turǵan, vızasynyń ýaqyty aıaqtalǵan nemese zańsyz túrde mekendep otyrǵan azamattar óz eline deportatsııalanady jáne 10 jylǵa Saýd Arabııasyna kirýge tyıym salynady.
4. Qajylyq vızasy joq sheteldik azamattardy tasymaldaǵan transporttar olarǵa kómektesken azamattarǵa tıesili bolsa, ol kólikter sot qaýlysymen memleket esebine ótkiziledi.
5. VIZA ýaqyty aıaqtalsa da, elden shyǵyp ketpegen shetel azamattaryna 50 myń Saýd Arabııasy rııaly - 13 myń 300 AQSh dollary kóleminde aıyppul, 6 aıǵa deıin qamaý jáne deportatsııa jazasy belgilengen. Sonymen qatar Qajylyq jáne Ýmra mınıstrligi qajylyq jasaýshylarǵa NÝSÝK jáne TASRIQ platformalary arqyly ruqsat alý qajettigin eskertedi.
Aıta keteıik, 2025 jyly qajylyq óteý tek «Qajylyq vızasy» arqyly júzege asyrylady. Basqa kez kelgen vıza túrimen Mekke men qasıetti jerlerdiń aýmaǵyna kirýge tyıym salynady.
Bıyl Qazaqstannan resmı túrde 4500 adam qajylyqqa attanady. Olar 24-31 mamyr aralyǵynda Saýdııaǵa baryp, 10-16 maýsym aralyǵynda elge oralady.
— Barsha jamaǵatty Saýd Arabııasy Koroldigi Qajylyq jáne umra mınıstrliginiń sheteldik azamattarǵa qatysty erejelerin qatań saqtaýǵa shaqyramyz. Sonymen qatar bıyl qajylyqqa nıet etken otandastarymyzǵa qandaı da bir zańsyz áreketterge barmaýdy jáne lıtsenzııasy joq týrıstik fırmalarǵa jazylmaý qajettigin eskertemiz», - dep habarlaıdy KMDB.
2025 jyly Saýd Arabııasy 1 mln 800 myń paryzyn óteýshini kútip alýdy josparlap otyr.
2024 jyly Saýd Arabııasy zańsyz túrde Qajylyq jasaǵan 300 myńnan astam shetel azamatyn anyqtaǵan.
Aıta keteıik, Saýd Arabııasy qajylyq kezinde Mekkege kirýge jańa shekteýler engizdi.