Arnaıy top barlyq derekti tekserip jatyr — Úkimettik komıssııa ókili
ASTANA. KAZINFORM — Úkimettik komıssııa ókili, Mańǵystaý oblysy ákiminiń orynbasary Erbol Izbergenov málimdeme jasady. Bul týraly Mańǵystaý oblysy ákimdiginiń baspasóz qyzmeti habarlady.
— Búgin saǵat 09:15–te úzdiksiz júrgizilgen izdestirý-qutqarý jumystarynyń nátıjesinde qalǵan eki áskerı qyzmetshiniń denesi tabyldy. Osylaısha, oqıǵa bolǵan aýmaqtaǵy izdestirý jumystary tolyq aıaqtaldy.
Qaza tapqan áskerı qyzmetshilerdiń týǵan-týysy men jaqyndaryna, sondaı-aq qarýlastaryna qaıǵylaryna ortaqtasyp, kóńil aıtamyz. Úkimettik komıssııa óz jumysyn jalǵastyryp jatyr, — dedi Úkimettik komıssııa ókili, Mańǵystaý oblysy ákiminiń orynbasary Erbol Izbergenov.
Qaza tapqan áskerı qyzmetshilerdiń otbasylaryna jáne zardap shekken áskerı qyzmetshilerge jan-jaqty kómek kórsetilip jatyr.
— Qazirgi ýaqytta quzyrly organdar tergeý jumystaryn júrgizýde, qylmystyq is qozǵaldy. Arnaıy top oqıǵanyń barlyq mán-jaıyn jáne sebep-saldary baılanystaryn anyqtalyp jatyr.
Tergeý barysynda bolǵan oqıǵaǵa qatysty barlyq suraqtarǵa tolyq jaýap beriledi. Árbir derek muqııat tekserilip, oqıǵaǵa qatysy bar barlyq tulǵalardyń áreketterine quqyqtyq baǵa beriledi. Tergeý jáne sot nátıjesinde kinási anyqtalǵan tulǵalar zańǵa sáıkes jaýapkershilikke tartylady, — dedi ol.
Úkimettik komıssııa óz jumysyn jalǵastyryp jatyr. Negizgi mindet — qaıǵyly oqıǵanyń barlyq mán-jaıyn obektıvti túrde anyqtap, qajetti sharalardyń barlyǵyn qabyldaý.
Eske salaıyq, 2026 jylǵy 24 qyrkúıekte Kaspııdegi áskerı oqý-jattyǵý kezinde 9 áskerı qyzmetshi qaza tapqanyn habarlaǵanbyz. Úsh áskerı qyzmetshi qutqaryldy. Olardyń bireýi aýrýhanaǵa jatqyzyldy.
Keıinnen Kaspııde qaza bolǵan áskerı qyzmetshilerdiń sany 12-ge jetip, ekeýi izdestirilip jatqany habarlandy.
Qorǵanys mınıstrligi oqý-jattyǵý kezinde qaza tapqan áskerı qyzmetshilerdiń tizimin jarııalady.
Áskerı qyzmetshilerdiń qaza bolý faktisi boıynsha qylmystyq is qozǵalyp, tergelip jatqanyn jazdyq.
Sonymen qatar, Prezıdent Qasym-Jomart Toqaev Mańǵystaý oblysynda áskerı oqý-jattyǵý kezindegi qaıǵyly oqıǵa saldarynan qaza tapqan áskerı qyzmetshilerdiń týǵan-týystaryna kóńil aıtty.
Áskerılerdiń qazasynan keıin Aqtaýda úsh kúnge josparlanǵan merekelik sharalar ótpeıtini aıtyldy.
Búgin Kaspııde eki áskerı qyzmetshini izdeý operatsııasyna júzdegen adam jumyldyrylǵany habarlandy.
Sonymen qatar áskerı qyzmetshilerdiń qaýipsizdigine jaýapty tulǵalar kúdikke ilingeni týraly jazǵan edik.
Aıta ketelik Kaspııdegi tótenshe jaǵdaıdan keıin qutqarylǵan áskerı qyzmetshi esin jıǵan edi.
Búgin Kaspıı teńizinde joǵalǵan eki áskerı qyzmetshiniń denesi tabylyp, izdestirý operatsııasy aıaqtalǵan edi.
Sonymen qatyr Kaspııdegi áskerı qyzmetshilerdiń qazasyna baılanysty qylmystyq is eki bap boıynsha tergelip jatyr.
