Arnaıy operatsııalar kúshteriniń áskerıleri qoıan-qoltyq urystan 9 medal oljalady
QARAǴANDY. KAZINFORM – Qaraǵandyda qoıan-qoltyq urystan Qazaqstan chempıonaty ótti. Jarysqa 16 oblystyń jáne Astana, Almaty, Shymkent qalalarynyń sportshylary qatysty.
Jarysqa shamamen 300 sportshy qatysty. Erler arasynda tóreshilik 8 salmaq dárejesinde, áıelder arasynda 5 salmaq dárejesinde uıymdastyryldy.
Týrnır qorytyndysy boıynsha Arnaıy operatsııalar kúshteriniń áskerı qyzmetshileri úsh altyn, bir kúmis jáne bes qola júlde ıelendi.
Áıelder arasynda 53 keli salmaqta Aıan Tursyn birinshi orynǵa shyqty, al 58 keli salmaqtaǵy Juldyzaı Ybyraeva qola júldege ıe boldy.
Erler arasynda 57 keli salmaqta Jandos Mádehııanov, 62 keli salmaqta Arnat Námetov chempıon atandy. 97 keliden joǵary salmaqtaǵy Aǵaly Hasanov ekinshi oryn aldy. Sonymen qatar, 62 keli salmaqta Aman Shákirtov, 73 kelide Oljas Erjan, 97 kelide Azamat Asylbekuly jáne Elaman Qýatov qola júlde aldy.
Respýblıkalyq birinshiliktiń nátıjeleri boıynsha Azııa chempıonaty men álem kýbogyna qatysatyn sportshylar irikteledi. Bul jarystarǵa irikteý osy chempıonattyń nátıjeleri negizinde júzege asady.
Budan buryn «Ońtústik» óńirlik qolbasshylyǵynyń áskerı qyzmetshisi jeńil atletıkadan el chempıony atanǵanyn jazǵan edik.