Arnaıy operatsııa barysynda 13 tonnadan astam kokaın tárkilendi

ASTANA. KAZINFORM –  Ulttyq qaýipsizdik komıteti esirtki kontrabandasynyń halyqaralyq arnasyn joıý boıynsha kóp satyly operatsııany júzege asyrdy. 

— Ýaqtyly qabyldanǵan sharalarmen Almaty qalasynda respýblıka tarıhyndaǵy eń iri bir rettik salmaǵy 13 tonna 183 kılogramm kokaın esirtki zatynyń partııasy tárkilendi, — delingen UQK habarlamasynda.

Osy júktiń baǵyty Qazaqstan arqyly úshinshi elderge tranzıt jasaýdy kózdedi.

Esirtki arnasyn uıymdastyrýǵa qatysy bar degen kúdikpen eki sheteldik azamat ustalyp, qamaýǵa alyndy.

Qylmystyq kodekstiń 297-babynyń 3-bóligi boıynsha sotqa deıingi tergep-tekserý júrgizilip jatyr.

Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy. 

Aıta ketelik ІІM esirtki satatyn chattar men saıttardyń anonımdi oqyrmandaryn qalaı tekseretini týraly jazǵan edik.