Arnaıy karta beriledi: Óskemende oqýshylar avtobýspen tegin qatynaıdy

ÓSKEMEN. KAZINFORM – Óskemen qalasynda 18 jasqa deıingi balalar avtobýsta tegin júrýi úshin arnaıy kartalar beriledi. 

Jańa bastama 1 qyrkúıekten bastap kúshine enedi. Qala ákimi Almat Aqyshov alǵashqy kezeńde qıyndyqtar bolýy múmkinin ekenin aıtty.

– Barlyq tasymaldaýshymen jınalys ótkizýimiz kerek. Sebebi erteń kondýktorlar aqsha tólemegen balalardy avtobýstan túsirip ketpeýi tıis. 1 qyrkúıekten bastap balalardyń tegin júretini týraly bárine habar berildi, - dedi ol.

Balalarǵa avtobýsqa tegin otyrý úshin arnaıy kartalar beriledi. Olar valıdatorǵa kartasyn tıgizip, saparyn tirkeıdi. Osylaısha, tasymaldaýshyǵa jolaqysy qala bıýdjeti esebinen óteledi.

Eske salsaq, osyǵan deıin Óskemende balalar qoǵamdyq kólikte tegin júretini habarlanǵan.