Arnaıy HQO-daǵy jemqorlyq: 60 myń júrgizýshi kýáligi zańsyz berilgen

Arnaıy HQKO-larǵa júrgizilgen jemqorlyqqa qarsy monıtorıng nátıjeleri boıynsha bıýdjetke túsetin túsimder 10,6 mlrd teńgeden 91,3 mlrd teńgege deıin ulǵaıdy.

Sybaılas jemqorlyqqa qarsy monıtorıng nátıjeleri boıynsha avtomobılderdi tirkeý jáne júrgizýshi kýálikterin berý kezinde jemqorlyq táýekelderi anyqtaldy.

"2011 jyldan beri qoldanylyp kele jatqan avtokólikti tirkeý júıesinde ádiletsiz qyzmetkerler jalǵan derekter engizip, jalǵan qujattar berýge jaǵdaı týǵyzyp, jemqorlyqqa jol bergen.

Agenttik 3 jyl ishinde 23 qylmystyq isti tergedi. 3 myńnan astam zańsyz kólik esepke qoıylyp, 60 myń júrgizýshi kýáligi zańsyz berildi.

Ýákiletti organdarǵa tıisti usynymdar engizilip, olardyń bir bóligi iske asyryldy", - dep jazdy Antıkordan.

Ondaǵy aqparatqa qaraǵanda, arnaıy HQKO men ІІM-de avtokólikti tirkeý boıynsha jańa aqparattyq júıeler iske qosyldy. Ótinimderdi resimdeý jáne qaraý kezinde derekterdi túzetý múmkindikteri alynyp tastaldy. Endi tek ákimshilik polıtsııa komıteti ózgerister engize alady.

Ótinimderdi tirkeý rásimi jeńildetildi. Endi bul úshin tek JSN engizý qajet, al qalǵan derekter basqa aqparattyq júıelerden avtomatty túrde toltyrylady. Bul rette júıeniń ózi ekinshi deńgeıdegi bankterdiń túbirtekterin, mindetti tólemderin jáne aıyppuldaryn tóleýdi tekseredi.

"2022 jyly 9,4 myń avtokólikti tirkegeni úshin 10,6 mlrd teńge jınaldy, 2023 jyly zańdastyrýdy eskere otyryp, 10,2 myń avtokólikti tirkegen kezde 91,3 mlrd teńge tústi. Atalǵan táýekelderdi joıý nátıjesinde ótken jyly bıýdjetke túsken túsim 9 esege ulǵaıdy.

Kompıýterlerge qashyqtan qol jetkizý arqyly tulǵalardy aýystyrý jáne emtıhan nátıjeleri arqyly júrgizýshi kýálikterin berý protsesinde eleýli jemqorlyq táýekelderi anyqtaldy.

Agenttiktiń usynymdary boıynsha mindetti bıometrııa jáne qoǵamdyq baqylaý úshin tikeleı efırde beınetirkeý syndy baqylaý sharalary engizildi", - delingen aqparatta.

Emtıhandardy qaıta tapsyrý rásimderi retteldi. Qaıta tapsyrý sany eki retke shektelip, al óte almaǵan jaǵdaıda 3 aıdan keıin nemese tyıym salynǵan zattardy paıdalanǵan jaǵdaıda 6 aıdan keıin tapsyrady.

Jańa aqparattyq júıelerdi engizýdiń arqasynda emtıhandardy tapsyrǵan syńaı tanytý táýekelderin edáýir azaıtýǵa múmkindik týdy.

Jalpy, jańa aqparattyq júıelerdi engizý osy saladaǵy barlyq qyzmetke oń áserin tıgizdi.

Búgingi tańda agenttik júrgizýshi kýálikterin alý jáne kólikti tirkeý rásimderine qoǵamdyq monıtorıng júrgizýdi uıymdastyrýda.

Bul jumysqa jemqorlyqqa qarsy eriktiler tartyldy.

Sondaı-aq, 2023 jylǵy jeltoqsanda HQKO qyzmetkerlerin jemqorlyq sýbektilerine jatqyzýǵa qatysty zańnamaǵa mańyzdy túzetýler engizilgenin eske salamyz. Bul ózgerister 2025 jylǵy qańtardan bastap kúshine enedi.

Túzetýler qyzmetkerler tarapynan teris qylyqtar men quqyq buzýshylyqtardyń aldyn alýǵa jáne azamattardyń quqyqtaryn qorǵaýǵa baǵyttalǵan.