Arnaıy ekonomıkalyq aımaqtar bólinisindegi basym qyzmet túrleriniń tizbesi bekitiledi
ASTANA. KAZINFORM — Elimizde Arnaıy ekonomıkalyq aımaqtar bólinisindegi basym qyzmet túrleriniń tizbesi bekitilmek. Osyǵan qatysty Ónerkásip jáne qurylys mınıstriniń buıryq jobasy ashyq normatıvtik-quqyqtyq aktiler portalynda jarııalandy.
Vedomstvonyń atap ótýinshe, qujat jobasy protsestik normalar men qyzmet túrleriniń tizbesin bólýge múmkindik beretin Arnaıy ekonomıkalyq aımaqtar bólinisindegi basym qyzmet túrleriniń derbes tizbesin bekitý maqsatynda ázirlendi.
— Buıryqty qabyldaýdyń kútiletin nátıjesi ınvestorlar men ýákiletti organdarǵa quqyqtyq belgisizdik táýekelin barynsha azaıta otyryp, AEA-nyń arnaıy quqyqtyq rejımin qoldanýǵa múmkindik beretin oqshaýlanǵan, ózekti ári qurylymdalǵan normatıvtik quqyqtyq bazany qalyptastyrý bolmaq, — dep naqtylaıdy mınıstrlikten.
Buǵan deıin Ónerkásip jáne qurylys mınıstrliginiń AEA-ny damytýdyń ınvestıtsııalyq tartymdylyǵyn arttyrýǵa, basqarý tetikterin jetildirýge, aımaqtardyń mamandanýyn kúsheıtýge jáne jobalardy irikteý sapasyn jaqsartýǵa baǵyttalǵan jańa tásilderin qalyptastyrý boıynsha jumys júrgizip jatqanyn jazǵan edik.
