Arnaýly operatsııa: Elordada iri esirtki arnasy joıyldy
«Nur-Sultan qalasyna esirtki jetkizý arnasynyń jolyn kesýge baǵyttalǵan, naqty josparlanǵan is-shara barysynda 37 jastaǵy Jambyl oblysynyń týmasy ustalyp, odan Kalashnıkov avtomaty men onyń 2 magazıni, 50-ge jýyq oǵy tárkilendi. Saraptama taǵaıyndaldy. Ustalǵan kúdiktiniń turǵyn úı jaıyn tintý barysynda 3 polıetılen pakettegi jáne ólshenip 5 túıirshikke salynǵan marıhýana, 7 mln 440 myń teńge tabyldy. Tárkilengen esirtki zatynyń jalpy salmaǵy 3 kelini quraıdy jáne qara naryqtaǵy quny shamamen 6 mln teńgege jýyqtaıdy», - delingen Nur-Sultan qalalyq polıtsııa departamentiniń aqparatynda.
Kúdikti iri kólemde esirti zatyn zańsyz saqtaǵany úshin QR Qylmystyq kodeksiniń 296-baby 4-tarmaǵymen 3-ten 7 jylǵa deıin, al QR QK 287-baby 3 tarmaǵymen qarý-jaraqty zańsyz ustaǵany úshin 5 jylǵa deıin bas bostandyǵynan aıyrylýy múmkin. Ustalǵan azamat Nur-Sultan qalalyq polıtsııa departamentiniń ýaqytsha oqshaýlaǵyshyna qamaldy. Tergeý amaldary júrgizilip jatyr.
