Arnaýly memorgannyń qyzmetkeri qaza tapqan, oǵan múgedektik belgilengen nemese mertikken jaǵdaıda ótemaqylardy tóleý Qaǵıdalary bekitildi
QazAqparat qujattyń mátinin taratady.
Qazaqstan Respýblıkasy Úkimetiniń qaýlysy
2012 jylǵy 12 qazan №1301 Astana, Úkimet Úıi
Arnaýly memlekettik organnyń qyzmetkeri qaza tapqan (qaıtys bolǵan), oǵan múgedektik belgilengen nemese mertikken jaǵdaıda beriletin birjolǵy ótemaqylardy tóleý qaǵıdalaryn bekitý týraly
«Qazaqstan Respýblıkasynyń arnaýly memlekettik organdary týraly» Qazaqstan Respýblıkasynyń 2012 jylǵy 13 aqpandaǵy Zańynyń 77 jáne 80-baptaryna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Arnaýly memlekettik organnyń qyzmetkeri qaza tapqan (qaıtys bolǵan), oǵan múgedektik belgilengen nemese mertikken jaǵdaıda beriletin birjolǵy ótemaqylardy tóleý qaǵıdalary bekitilsin.
2. Osy qaýly 2012 jylǵy 25 aqpannan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń
Premer-Mınıstri S.AHMETOV.
