Arnaýly áskerı jıynǵa shaqyrylǵan 94 batysqazaqstandyq qyzmetke kiristi
BQO ákiminiń áskerı qaýipsizdik jáne qorǵanys máseleleri jónindegi kómekshisi Maqsat Muqanovtyń aıtýynsha, olardyń bári 24 sáýirden bastap qyzmetterine kiristi.
Oblys boıynsha barlyǵy 300-ge jýyq adam ótinish bildirse, sonyń ishinen 94-i iriktelip alyndy. Bulardyń ishinde 8-i – ofıtser, qalǵandary – serjanttar, qatardaǵy jaýyngerler.
Oral qalasynda 24 adam qala kósheleri men blokposttarda qyzmetterin atqarady. Sol sekildi Aqjaıyq aýdanynan – 13, Báıterekten – 9, Bórliden – 15, Jánibekten – 16, Tasqaladan – 9, Terektiden 8 adam shaqyryldy. Olar sol alty aýdandaǵy blokposttarda iske kiristi.
«Arnaýly jıyn boıynsha alynǵandardyń barlyǵy áskerı kıim-keshekpen, jeke qorǵanys quraldarymen, tamaqpen qamtamasyz etildi. Olar jalaqy alýmen birge «Áskerı mindettilik jáne áskerı qyzmet týraly» zańyna sáıkes barlyq jeńildikterdi paıdalanady. Eń bastysy, óz mindetterin jaýapkershilikpen atqarady dep senemiz», - dedi QazAqparat tilshisine M.Muqanov.
