Arnaýly memlekettik organdardyń qyzmetine qatysty zańnamaǵa ózgerister engizildi
ASTANA. KAZINFORM — Prezıdent arnaýly memlekettik organdar máseleleri boıynsha zańdy bekitti, dep habarlaıdy Aqordanyń baspasóz qyzmeti.
— Memleket basshysy «Qazaqstan Respýblıkasynyń keıbir zańnamalyq aktilerine Qazaqstan Respýblıkasy arnaýly memlekettik organdarynyń qyzmeti máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy, — delingen habarlamada.
Aıta keteıik, zańnyń mátini baspasózde jarııalanady.
Budan buryn Prezıdent Qasym-Jomart Toqaev Kanada General-gýbernatory Lýıza Arbýrǵa quttyqtaý jedelhatyn joldaǵanyn jazǵan edik.
