Arnaýly memlekettik qorǵa 653 mlrd teńge tústi: Qarjy qaıda jumsaldy
ASTANA. KAZINFORM — 2027 jyly respýblıkalyq bıýdjet tapshylyǵy 4,6 trln teńge. Bul týraly Quryltaı otyrysynda «2027-2029 jyldarǵa arnalǵan respýblıkalyq bıýdjet týraly» zań jobasyn tanystyrǵan Qarjy mınıstri Mádı Tákıev aıtty.
— Búgingi tańda, respýblıkalyq menshikte kvazımemlekettik sektordyń 338 sýbektisi bar. Onyń ishinde 167-si — respýblıkalyq memlekettik kásiporyndar, 170-i — aktsıonerlik qoǵamdar men jaýapkershiligi shekteýli seriktestikter. 2024 jyldyń qorytyndysy boıynsha respýblıkalyq bıýdjetke, aktsıonerlik qoǵamdardyń memlekettik aktsııalar boıynsha dıvıdendterden 165 mlrd teńge, jaýapkershiligi shekteýli seriktestikterdiń taza tabysynyń bir bóliginen 17 mlrd teńge tústi, — dedi ol.
Mınıstrdiń aıtýynsha, bıylǵy qazan aıyndaǵy jaǵdaı boıynsha 2023 jyly qurylǵan Arnaýly memlekettik qorǵa 653,2 mlrd teńge tústi.
— Onyń ishinde elimizdiń barlyq óńirinde sýmen jabdyqtaý, densaýlyq saqtaý, mádenıet, sport, bilim berý, kólik jáne energetıka salalaryndaǵy 501 áleýmettik jobany iske asyrýǵa 617,7 mlrd teńge bólindi. Bul jobalar boıynsha 351 nysan aıaqtaldy. Respýblıkalyq múlikti jekeshelendirýden osy jyldyń 9 aıynda Ulttyq qorǵa 470 mln teńge tústi. Memlekettik aktıvter men kvazımemlekettik sektordy tıimdi basqarý baǵytyndaǵy jumystar jalǵasyp jatyr, — dedi Mádı Tákıev.
Buǵan deıin Qarjy mınıstri respýblıkalyq bıýdjettiń negizgi kórsetkishterin ataǵan edi.
