Arnaýly quqyqtyq rejım qurý mindetin tolyqqandy iske asyrý mańyzdy - Toqaev

- Biz Konstıtýtsııalyq zań arqyly qalany qarqyndy damytý úshin myqty quqyqtyq negiz qaladyq. Biraq «arnaýly quqyqtyq rejım bar, endi mindetti túrde tabysqa jetemiz» dep oılaý qatelik bolar edi.

Óıtkeni dál osyndaı rejım engizilgen ekonomıkalyq aımaqtardyń talaı ret is júzinde naqty nátıje bermegeni belgili. Sapaly ınstıtýttar, ashyq ári turaqty erejeler, derbes retteý tetikteri bolǵan joq. Sonyń saldarynan kóptegen joba oıdaǵydaı júzege asyrylmaı qaldy, - dedi Memleket basshysy.

Prezıdent budan tıisti sabaq alyp, durys qorytyndy shyǵarý qajet ekenin atap ótti. ıAǵnı, arnaýly rejım tıimdi jumys isteýi úshin birtutas zańnama júıesi kerek.

- Qalanyń iskerlik belsendiligine jáne kúndelikti tirshiligine qatysty máselelerdi retteıtin ashyq, aıqyn ári sapaly quqyqtyq negiz bolýǵa tıis.

Bul jumysty eki deńgeıde atqarý qajet. Birinshisi – negizgi qaǵıdalardy belgileıtin konstıtýtsııalyq deńgeı. Bul másele óz sheshimin tapty. Al ekinshisi – quqyqtyq retteý deńgeıi, ıaǵnı, ekonomıkalyq qyzmettiń ár salasy boıynsha naqty zańnamalyq tetikter aıqyndalady, - dedi Qasym-Jomart Toqaev.

Aıta keteıik, Prezıdent Qonaev qalasynyń ıfraqurylym qurylysyn synǵa aldy.