Arnaýly kásiptik memlekettik járdemaqy: elimizdiń qaı óńirinen kóp ótinish tústi
ASTANA. KAZINFORM – Qańtar aıynda HQKO-lar arnaýly kásiptik memlekettik járdemaqy alýǵa 1200-den astam ótinish qabyldady. Qaýipti óndiristerdegi jumysshylardy qoldaýǵa arnalǵan bul tetik Qazaqstanda alǵash ret 2024 jyly engizilgen. Bir aıdyń qorytyndysy boıynsha respýblıkalyq bıýdjetten ótinim bergenderge 160 mln astam teńge tólendi.
«Azamattarǵa arnalǵan úkimet» memlekettik korporatsııasy KEAQ-tyń baspasóz qyzmetinen málim etkenindeı, qazaqstandyqtardyń basym bóligi járdemaqy alýǵa Qaraǵandy, Qostanaı, Shyǵys Qazaqstan jáne Aqmola oblystarynan júgingen. Batys Qazaqstan oblysy boıynsha 25-ten astam ótinish qabyldady.
«Arnaýly áleýmettik járdemaqy eń tómengi kúnkóris deńgeıiniń eki ese mólsherindegi arnaýly kásiptik memlekettik járdemaqydan, saqtandyrý uıymdarynyń tólemderinen, jumys berýshilerdiń tólemderinen, mindetti kásiptik zeınetaqy jarnalary esebinen jáne Biryńǵaı zeınetaqy qorynan tólenetin tólemderden turady. Járdemaqy 55 jastan asqan adamdarǵa beriledi jáne zeınetkerlik jasqa deıin jalǵasady. Atalmysh járdemaqyny taǵaıyndaý úshin qyzmetker BJZQ-da 7 jyldan kem emes merzimde mindetti kásiptik zeınetaqy jarnalaryn jınaqtaǵan bolýy kerek jáne ol zııandy jaǵdaılarda jumysyn toqtatqan, jumystan shyqqan nemese jeńil jumysqa aýysqan bolýy shart. Arnaýly kásiptik memlekettik járdemaqy taǵaıyndaýǵa ótinishti HQKO-dan tapsyrýǵa bolady. Sondaı-aq, qazaqstandyqtarǵa járdemaqy proaktıvti formatta da taǵaıyndalady, eger telefonǵa 1414 nómirinen tıisti usynys tússe, habarlamaǵa kelisimderin berýleri kerek», - dep habarlady vedomstvodan.
