Arnasynan tasyǵan Sharyn ózeni 100 úı men 250 aýlany basyp qaldy - Almaty oblysy
ASTANA. 11 qańtar. QazAqparat - Almaty oblysy Uıǵyr aýdanyndaǵy arnasynan tasyǵan Sharyn ózeni 100 úı men 250 aýlany basyp qaldy.
Bul týraly QR TJM-nan habarlady.
Tótenshe jaǵdaı dúısenbi, 10 qańtar kúni keshki saǵat alty shamasynda oryn aldy. 356 adam qaýipsiz jerge kóshirilip, týys-týǵandaryna jetkizildi. Taǵy 18 adam eki orta mektepke ornalastyryldy. Mınıstrlikten anyqtaǵandaı, qurbandar men zardap shekkender joq.
Qazirgi ýaqyttaǵy jaǵdaı boıynsha, ózendegi sý deńgeıi tómendedi, el turatyn aýmaqtan sýdy basqa jaqqa burý jumystary júrgizilýde. Tótenshe jaǵdaıdy joıýmen QR TJM Almaty oblysy boıynsha TJD-nyń 298 adamy men 22 tehnıkasy aınalysýda.
