Arnasynan shyqqan Syrdarııa ózeni «Jalaǵash-Josaly» avtojolynyń 7-8 metr bóligin shaıyp ketti - TJM
ASTANA. Naýryzdyń 16-sy. QazAqparat - Qyzylorda oblysynda arnasynan tasyǵan Syrdarııa ózeni kúre joldyń tósemin buzdy.
Eldi mekenderdi sý basý qaýpi joq, dep habarlady QR TJM-dan.
Vedomstvonyń baspasóz qyzmetinen málim etkendeı, ótken dúısenbi, naýryzdyń 15-i kúni keshki saǵat 18.20-da Qarmaqshy aýdany Qyzyltam eldi mekeninen 5 shaqyrym qashyqtyqta, sý ótkizý qurylymy ornalasqan ýchaskede Syrdarııa ózeni arnasynan shyǵyp, «Jalaǵash-Josaly» avtojolynyń 7-8 metr bóligin shaıyp ketken.
«Zardap shekkender men qurban bolǵandar joq. Atalmysh ýchaskede jóndeý-qalpyna keltirý jumystary sý deńgeıi túskennen keıin bastalady», - dep anyqtady baspasóz qyzmetinen.
