Arnasynan asqan Daýgava ózeni Latvııanyń bir qalasyn tolyǵymen basyp qaldy
ASTANA. 20 sáýir. QazAqparat - Daýgava ózeni arnasynan asyp, Rıgadan 100 shaqyrym jerge ornalasqan Plıavınıas qalasyn basyp qaldy. Bul týraly Latvııanyń Memlekettik órt-qutqarý qyzmetine silteme jasap Ýtro.rý habarlady.
Daýgava ózeniniń sýy 163 santımetrge kóterilip, qalanyń ortalyǵy men mańy tolyǵymen sý astynda qaldy. Sınoptıkterdiń boljamynsha, sý deńgeıi búgingi kún boıy taǵy da 3 metrge deıin kóterilýi múmkin.
Zardap shekkender men qırandylar týraly ázirge aqparat joq. Plıavınıas qalasynyń halqyn qaýipsiz jerge kóshirý úshin qosymsha kúsh kelýde.
