Arnasaı aýylynda Azıada oıyndary qurmetine densaýlyq festıvali ótedi
ANA. 22 qańtar. QazAqparat - Búgin Arnasaı aýylynda (Arshaly aýdany, Aqmola oblysy) balalar, jasóspirimder, jastar jáne eresek turǵyndardyń arasynda qysqy sport túrlerinen densaýlyq festıvali ótedi bul týraly «Abota» qoǵamdyq qory habarlaıdy.
«Shaıbaly hokkeı de, mını-fýtbol da, short-trek, shańǵy jarystary sporty, balalar estafetalary da bolady. Bir sózben aıtqanda, jaqyn jerde ornalasqan aýyldardyń barlyq turǵyndary úshin ózimizdiń shaǵyn Azıadamyzdy ótkizemiz. Elimizdiń tynys-tirshiliginen habardar bolyp, 2011 jylǵy Azıada sııaqty úlken ári asa aýqymdy sharaǵa qatysty bolý - mańyzdy» - deıdi festıval uıydastyrýshylary «Aqbota» qoǵamdyq qorynyń ókilderi.
Úkimettik emes uıymdar, QR Tuńǵysh Prezıdentiniń Qory, Arshaly aýdanynyń ákimdigi, Ulttyq volonterlik jelimen bir topta, «Aqbota» qory Arnasaı, Volgodonovka jáne Qoıgeldi aýyldarynda turatyn balalardy, jastardy jáne eresek azamattardy biriktiredi.
Densaýlyq festıvalin ótkizýdiń basty maqsaty - qysqy sport túrlerin kópshilikke nasıhattaý jáne 7-qysqy Azııa oıyndaryn qoldaýmen qosa, salaýatty ómir saltyn júrgizý, jankúıerlik rýhty nyǵaıtý, volonterlik mádenıetti jáne otanshyldyqty damytý jolynda balalar men eresek azamattardy biriktirý.
«Festıvaldiń búgingi qatysýshylary - keleshekte chempıondar atanyp, elimizdiń namysyn halyqaralyq jarystarda tabysty qorǵaıtyn bizdiń bolashaq qaharmandarymyz bolýy múmkin! Osy festıval arqyly biz, árbir qazaqstandyq azamat, óz ornynda, Azıadanyń ótkizilýin qoldaıtynyn, birligimiz jarasyp tursa, «Kóptiń tilegi - kúsh» ekendigin kórsetkimiz keledi!» - deıdi «Aqbota» QQ ókilderi.
