«Arna Medıa» Ulttyq aqparattyq holdıngide kadrlyq ózgerister boldy
ASTANA. Aqpannyń 23-i. QazAqparat - «Arna Medıa» Ulttyq aqparattyq holdıngi» AQ dırektorlar keńesiniń 2010 jylǵy aqpannyń 22-sindegi sheshimimen holdıng basqarma tóraǵasynyń orynbasary qyzmetine buryn holdınginiń basqarýshy dırektory bolyp jumys istegen Nuraı Orazov saılandy.
Nuraı Nurǵojauly Orazov 1963 jyly qańtardyń 17-sinde týǵan.
Ár jyldary QR Premer-Mınıstri Keńsesiniń baqylaý jáne qujattamalyq qamtamasyz etý bóliminiń konsýltanty; QR Mádenıet, aqparat jáne qoǵamdyq kelisim mınıstrligi jastar saıasaty departamentiniń dırektory bolyp qyzmet atqardy.
Sondaı-aq N.Orazov Prezıdenttiń baspasóz qyzmeti basshysynyń orynbasary, QR Prezıdenti Ákimshiliginiń aqparattyq-taldaý ortalyǵy meńgerýshisiniń orynbasary boldy.
«Arna Medıa» UAH» AQ-ǵa kelgenge deıin Nuraı Orazov QR Mádenıet jáne aqparat mınıstrliginiń Aqparat jáne muraǵat komıtetiniń tóraǵasy boldy.
