«Arna Media Servisec» JShS-i baspa úılerin qurý arqyly dıstrıbıýterlik jelini damytpaq
ASTANA. Jeltoqsannyń 4-i. QazAqparat /Gúlmıra Álıakparova/ - «Arna Media Servisec» JShS-i baspa úılerin qurý arqyly dıstrıbıýterlik jelini damytpaq. Bul týraly búgin Astanada «Qazaqstandyq BAQ ekonomıkalyq daǵdarys jaǵdaıynda» taqyrybymen ótken ǵylymı-parktıkalyq konferentsııada atalmysh jaýapkershiligi shekteýli seriktestiktiń bas dırektory Tólemis Qulmuhamedov málim etti,
dep habarlaıdy QazAqparat.
T.Qulmuhamedovtyń atap ótkenindeı, «Arna Media Servisec» kompanııasy qazirgi jahandyq daǵdarys jaǵdaıynda elimizdiń gazet-jurnaldaryndaǵy, jalpy baspalyq buqaralyq aqparat quraldaryndaǵy negizgi problemalardy jiti zerdelep, bul sala dıstrıbýtsııa jaǵynan kómekterge zárý degen qorytyndy jasaǵan jáne mundaı kómekti ásirese, qazaq tildi basylymdar qajet etedi.
«Úkimet bizdiń aldymyzǵa respýblıka aýmaǵynda baspa úılerin qurý tapsyrmasyn qoıdy. Baspa úılerin qurǵannan keıin, olardyń janynan baspahanalardy ashyp, dıstrıbıýterlik jelini damytýdy kózdep otyrmyz», - dep atap ótti ol.
Konferentsııany «Arna Media Servisec» uıymdastyrdy. Ondaǵy basty maqsat - buqaralyq aqparat quraldarymen, osy salada bilim beretin oqý oryndary jáne memlekettik organdar ókilderimen suhbattasý arqyly, problemalardy anyqtaý, kompanııanyń aldaǵy jumysyna baǵyt-baǵdar belgileý.
Aıta keteıik, «Arna Media Servisec» JShS-i «Arna Medıa» Ulttyq aqparattyq holdıngi» AQ-nyń enshiles kompanııasy. Ol aımaqtarda ortalyqtan basqarylatyn baspahananalar júıesin qurý jáne ónimdi óndirip, ony sońǵy tutynýshyǵa deıin jetkizip salýǵa baılanysty barlyq tehnologııalyq máselelermen aınalysady.
