«Arna Medıa» holdınginde sapa menedjmentiniń júıesin (ISO: 9001 standarty) engizý boıynsha joba aıaqtaldy
ASTANA. Jeltoqsannyń 30-y. QazAqparat - «Arna Medıa» holdınginde «Sapa menedjmentiniń júıesi» QR ST ISO 9001-2001 sáıkestik sertıfıkatyn resmı tapsyrý ótti.
Bul sertıfıkat holdıngte qoldanylyp otyrǵan sapa menedjmenti júıesin mynadaı úderisterge: «otandyq aqparattyq keńistiktiń básekelestik qabiletin arttyrý úshin enshiles kompanııalardy basqarýdyń» ISO 9001 memlekettik jáne halyqaralyq standarttar talaptaryna sáıkestigin rastaıdy.
Sapa menedjmentiniń júıesi - uıymdaǵy basqarýdyń tıimdiligin arttyrýdyń mańyzdy quraldy. «Sapa» degen uǵymnyń ózi ónimniń nemese qyzmetterdiń sapasyna qaraǵanda aıtarlyqtaı joǵary. Sapa kompanııa qurylymdarynyń aıqyndylyǵyn, árbir qyzmetkerdiń óz mindetterin dál túsinýin, uıym ishindegi tıimdi ózara is-qımyldy talap etedi.
«Arna Medıa» kompanııasy tobyna sapa menedjmentiniń júıesin engizý básekelestik qabiletin, ınvestıtsııalyq tartymdylyǵyn arttyrýǵa, sondaı-aq otandyq jáne sheteldik rynoktarda uıymnyń bedelin nyǵaıtýǵa baǵyttalǵan.
