Armrestlıngten júldeli oryn alǵan shardaralyq sportshylarǵa 2 bólmeli páter berildi
TÚRKІSTAN. QazAqparat – Qol kúresinen Túrkııada ótken East vs West týrnırinde qazaqstandyq sportshylar jeńis tuǵyrynan kórinip, myqtylyqtaryn dáleldedi, dep habarlaıdy QazAqparat tilshisi.
Atap aıtqanda, týrnırge Túrkistan óńirinen barǵan Sarybaı Erdaýlet pen Qydyrǵalı Ońǵarbaev júldeli oraldy.
Atalǵan saıysta qazaq eliniń atynan alǵashqy jekpe-jekke shyqqan Sarybaı Erdaýlet qarsylasy – Túrkııa óreni, álemniń birneshe dúrkin chempıony ıÝsýf Ildyzoglýny 3:0 esebimen jeńdi.
Al, jarystyń eń basty saıysy – Qydyrǵalı Ońǵarbaev men Amerıka Qurama Shtattarynyń ataqty sportshysy, álemniń 26 dúrkin chempıony Djon Brzenk arasyndaǵy jekpe-jek óte tartysty ári qyzyqty ótti. Qazaqstandyq sportshy qarsylasyn 3:1 esebimen jeńip, elimizdiń abyroıyn asqaqtatty.
Júldemen oralǵan sportshylarǵa Túrkistan oblysy gir sporty jáne armrestlıng federatsııasynyń prezıdenti Arman Karsybaev páter kiltterin tabys etti.
