Armrestlıngten Atyraý ardagerleri Azııa chempıony atandy
ATYRAÝ. QazAqparat – Atyraýdyń ardager sportshylary armrestlıngten Azııa chempıony atandy, dep habarlaıdy QazAqparat oblystyq sport jáne dene shynyqtyrý basqarmasynyń baspasóz qyzmetine silteme jasap.
«Ózbekstan Respýblıkasynyń Samarqand qalasynda 24-26 sáýirde armrestlıngten jastar, eresekter jáne ardagerler arasynda Azııa chempıonaty ótti. Saıysqa 14 elden 500-ge jýyq sportshy qatysty. Atyraýlyq ardager sportshylar qurlyq dodasynda joǵary nátıjege qol jetkizdi. Máselen, Almagúl Qanatova 80 keli, Rahııa Moldasheva 80 keliden joǵary salmaqta Azııa chempıony atandy. Al Konstantın Tarabrın 70 kelide kúmis júldege ıe boldy», - dep málim etti basqarmanyń baspasóz qyzmetinen.
Eske salaıyq, buǵan deıin atyraýlyq paradzıýdoshy Amanjol Janbota Gran-prı saıysynyń jeńimpazy bolǵanyn jazǵan edik.
