Armrestlıngten álem chempıonatynda Shardara aýylynyń 28 sportshysy «altyn» aldy

TÚRKІSTAN. QazAqparat – Qol kúresinen Túrkııada ótken álem chempıonatynda Túrkistan oblysy Shardara aýylynyń 28 sportshysy «altyn» enshiledi, dep habarlaıdy QazAqparat tilshisi.

Túrkııanyń Antalııa qalasynda ótken álem chempıonatynda «Shardara Armsport» klýbynyń sportshylary qarsylas shaq keltirmedi. 54 elden qatysqan atletter arasynan 28 sportshymyz Qazaqstanǵa álem chempıony bolyp oraldy. Atap aıtsaq, jas jetkinshekter arasynda – 6, jasóspirimder arasynda – 11, jastar arasynda – 3 jáne eresekter arasynda 8 sportshy jeńimpaz atandy. Barlyǵy – óńirdegi Shardara aýylynan, «Shardara Armsport» klýbynyń sportshylary. Sońǵy jıyrma jylda aıadaı ǵana aýyldan 102 álem chempıony shyqqan.

«Osy jeńisimizdi elimizdiń Respýblıka kúnine arnaımyz. Jattyqtyrýshymyz Arman Qarsybaevqa jáne qoldaý kórsetip otyrǵan barsha jankúıerlerge alǵys aıtamyz», - deıdi jattyqtyrýshy Ǵanı Malbasov.