Armrestlıngten Álem chempıonatynda Qazaqstan quramasy 134 medal jeńip aldy
NUR-SULTAN. QazAqparat – Rýmynııanyń Konstantsa qalasynda armrestlıngten Álem chempıonaty óz máresine jetti, dep habarlaıdy QazAqparat tilshisi QR Sport jáne dene shynyqtyrý isteri komıteti Sportty damytý dırektsııasynyń baspasóz qyzmetine silteme jasap.
Qorytyndy kezeń eresekter, ardagerler, sondaı-aq estý qabileti zaqymdanǵan sportshylar men múmkindigi shekteýli sportshylar arasynda ótken.
«Jarystyń alǵashqy kúni jastar men jasóspirimder arasynda el quramasy 32 altyn, 22 kúmis, 19 qola júlde ıelendi. Jalpy komandalyq esepte Reseı men Grýzııany artqa tastap, birinshi orynǵa shyqty. Ardagerler men múmkindigi shekteýli sportshylar arasyndaǵy básekede de qazaqstandyq qol kúres sheberleri qarsylastaryna des bermedi. Múmkindigi shekteýli sportshylar arasynda elimiz 8 altyn, 7 kúmis, 11 qola júldeni jeńip aldy. Al, ardagerler arasynda otandastarymyz 3 altyn, 2 kúmis, 2 qola júldege qol jetkizdi» delingen habarlamada.
Jarystyń sheshýshi kezeńi eresekter arasynda ótip, sportshylarymyz el qorjynyna 8 altyn, 9 kúmis, 11 qola medal salyp, erler quramasy birinshi orynnan kórindi.
«54 memleketten 1400 sportshy qatysqan baıraqty básekede el namysyn 146 sportshy qorǵady. 41-shi Álem chempıonatynyń jalpy qorytyndysy boıynsha el quramasy 51 altyn, 40 kúmis, 43 qola júldemen dúbirli dodada ekinshi orynǵa taban tiredi. Birinshi oryndy Reseı Federatsııasy ıelense, úzdik úshtikti Grýzııa sportshylary túıindedi», - dep habarlaıdy komıtetten.
