Armrestlıng sportynan Azııa kýbogynda aqmolalyqtar top jardy
KÓKShETAÝ.QazAqparat -Armrestlıng sportynan Azııa kýbogynda kókshetaýlyqtar jeńis tuǵyrynan kórindi, dep habarlaıdy QazAqparat tilshisi.
Oblystyq dene shynyqtyrý jáne sport basqarmasynyń baspasóz qyzmetiniń málimetine qaraǵanda, Taraz qalasynda armrestlıngten «Open Asian Armwrestling Cup» Azııa kýbogy ótýde.
Baıraqty jarysqa Japonııa, Germanııa, Úndistan, Grekııa, Horvatııa, Bolgarııa, Reseı, Lıtva, Iran, Ýkraına, Təjikstan, Ózbekstan, Qyrǵyzstan elderi men Qazaqstan Respýblıkasynan jınalǵan 300-den astam sportshy qatysty.
Qatysýshylar 10 salmaq boıynsha kúsh synasty. Qazaqstan quramasy sapynda bolǵan 10-nan astam aqmolalyq armrestler sheberleriniń ishinde 60 kelide synǵa túsken Dmıtrıı Tıýkov jarys jeńimpazy atandy.
«Kileń myqtylardyń arasynda el abyroıyn asqaqtatyp, jeńimpaz ataný men úshin úlken baqyt», - dedi D.Tıýkov.
Sonymen qatar, taǵy bir aqmolalyq Andreı Glýhov 70 keli salmaqta qol júldege qol jetkizdi. Al, Valerıı Teslıaǵa səl sáttilik jetpeı tórtinshi orynnan kórindi.
Jattyqtyrýshylary Ilıa Ilınniń sózinshe alda əli «Múmkindigi shekteýli sportshylar», «Ardagerler» jəne «Eresekter» arasynda ótetin jarysta aqmolalyq sportshylardyń júlde salatynyna senim bar.
