Armrestlıng pen gır kóterý sportynan Qazaqstannyń ashyq kýbogynda Qyrǵyzstan men Ózbekstan sportshylary da júldeli boldy
ALMATY. 2 qarasha. QazAqparat /Erlik Erjanuly/ - Almatyda armrestlıng pen gır kóterý sportynan Qazaqstannyń ashyq kýbogy óz máresine jetti. Oǵan Qazaqstan, Qyrǵyzstan jáne Ózbekstannan 154 sportshy qatysty. Olardyń 40-qa jýyǵy áıel, al qalǵany erler boldy. Asa tartysty ótken synda áıelder arasyndaǵy 5 salmaq dárejesinde de jarys qojaıyndarynyń mereıi ústem boldy. Al erler saıysynda 8 salmaq dárejesiniń beseýinde qazaqstandyqtar, úsheýinde qonaqtar úzdik shyqty.
"Onda jarys qojaıyndarynan almatylyq Stanıslav Morenkov (78 kg), Valerı Baranov (86 kg), Artem Zolotov (86 kg), Rýslan Ronert (+105 kg) pen talǵarlyq Borıs Gabchenko (105 kg) Kýbok ıesi atandy. Al qonaqtardan bul mártebege ózbekstandyq Sherzdo Rahmonov (57 kg) pen Nodırjan Hýdaıberdıev (70 kg) jáne qyrǵyzstandyq Konstantın Kleıner (63 kg) ıe boldy. Sondaı-aq absoıýtti salmaq dárejesinde oń qolmen kúresýde almatylyq Borıs Gabchenko birinshi, talǵarlyq Valerıı Baranov pen Artem Medvedov 2-3 oryndy bólisti. Sol qolmen kúresýde almatylyq Rýslan Renert pen Borıs Gabchenko 1-2, al ońtústikqazaqstandyq Murat Qaıyrlın úshinshi oryndy ıelendi", deıdi Almaty oblystyq armrestlıng jáne gır sporty federatsııasynyń prezıdenti Evgenıı Shamraı.
