04:13, 23 Qyrkúıek 2024 | GMT +6
Armııa sportshysy Alash Pride lıgasynyń tarıhyndaǵy alǵashqy áıel chempıon atandy
ASTANA. KAZINFORM – Aqtóbede Alash Pride FC 100 mereıtoılyq júzinshi týrnıri ótti. Bul týraly QR Qorǵanys mınıstrliginiń baspasóz qyzmeti málim etti.
Qorǵanys mınıstrligi Armııa Ortalyq sport klýbynyń sportshysy kapıtan Zámzágúl Faızollanova ózbekstandyq Hodjonıso Komoldınovany merziminen buryn jeńip, Alash Pride lıgasynyń tarıhyndaǵy alǵashqy áıel chempıon atandy.
Aıta ketý kerek, sportshy MMA-da eki jyldyq úzilisten keıin 77 kg salmaqta óner kórsetti.
— Men óz kúshime senimdi boldym. Bul týrnırge de tek jeńiske jetý úshin keldim. Meniń maqsatym — alǵashqy áıel chempıon bolý edi. Ol armanym oryndaldy. Armııa Ortalyq sport klýbyna maǵan qoldaý kórsetkeni úshin alǵys aıtamyn, — dedi Zámzágúl Faızollanova.
