Armııa oıyndaryna qatysatyn artıllerııashylardy irikteý bastaldy (FOTO)

ASTANA. QazAqparat - «Gvardeısk» oqý-jattyǵý ortalyǵynyń bazasynda Armııa-2016 sheńberinde «Artıllerııalyq oq atý sheberleri» baıqaýynda Qurlyq áskerleriniń áskerı qyzmetshilerin irikteý bastaldy. Bul týraly QR Qorǵanys mınıstrliginiń basasóz qyzmeti habarlady.

Óńirlik qolbasshylyqtar men ásker tekteriniń 12 komandasy mınaatqyshtar men granataatqyshtardan dáldeý boıynsha tartysqa túsedi. Jattyqtyrý kezinde shamamen 30 áskerı tehnıka tartyldy. Árbir komanda bes jaýyngerden quralǵan.

Áskerı qyzmetshiler mınaatqyshtan, avtomattan, oqshashardan jáne qol tankige qarsy granataatqyshtan oq atady. Atysty áskerı qyzmetshiler qarsylastyń jandy kúshi men tehnıkasyn elestetetin nysana boıynsha júrgizedi. Jeke jarys pen estafetany qatysýshylar áskerı tehnıkada, kóp nysanaly tartqyshta eńseredi.

Baǵdarlaý jáne baılanysqa shyǵý úshin áskerı qyzmetshiler karta, kompas, dúrbi jáne radıostansany ǵana qoldanady. Jattyǵýlar barlyq kedergilerdi eńsere otyryp, kúndizgi jáne túngi ýaqytta ótip jatyr.

Barlyq artıllerııashylar granaatqyshtardan jáne shtattyq qarýdan oq atýda sheberlikterin kórsetip, jaýyngerlik daıarlyqtyń negizgi pánderi boıynsha normatıvterdi tapsyrady. Іrikteý qorytyndysy boıynsha jeńimpazdar Armııa halyqaralyq oıyndary sheńberinde Qazaqstannyń aýmaǵynda ótetin halyqaralyq kezeńge qatysady.