Armııa quramasyn jasaqtaý úshin sportshylar tartysqa tústi
ASTANA. 13 naýryz. QazAqparat - Almaty qalasynda Armııa Ortalyq sport klýbynyń (AOSK) Oqý-jattyqtyrý ortalyǵy bazasynda QR Qorǵanys mınıstriniń Kýbogi úshin bokstan І ashyq týrnır ótti.
Bul týraly QR QM-niń baspasóz qyzmetinen málim etti.
AOSK men Áskerı-sport klýbtary federatsııasy birlesip uıymdastyrǵan ashyq týrnır Halyqaralyq áıelder merekesine arnaldy.
Oǵan Qazaqstan Respýblıkasynyń 14 oblysynan, Astana jáne Almaty qalalarynan, AOSK jáne Dınamo komandalarynan, sondaı-aq Іshki ister mınıstrliginen, ІІM Іshki áskerlerinen ókilder, sondaı-aq Qyrǵyz Respýblıkasynan qonaqtar qatysty.
QR QM baspasóz qyzmetiniń málimetinshe, barlyǵy 17 komanda qatysyp, 128 boksshy qolǵap túıistirdi.
Týrnır qorytyndysy boıynsha:
І oryndy - «AOSK»-nyń (6 altyn, 3 kúmis, 3 qola);
ІІ oryndy - Almaty qalasynyń (1 altyn, 1 kúmis, 4 qola);
ІІІ oryndy - Astana qalasynyń (1 altyn, 1 kúmis) komandalary ıelendi.
Jarysqa AIBA dárejesi bar kásibı tóreshiler tórelik etti. Tóreshiler alqasyn Raqymjan Sydyqov basqardy.
Týrnırge qonaq retinde Olımpıada chempıony Ermahan Ybraıymov, bokstan álemniń birneshe dúrkin chempıony Marat Mázimbaev, QR Ulttyq qyzdar quramasynyń bas bapkeri Vadım Presejnıýk, álem chempıony Mıhaıl ıÝrchenko, KSRO-nyń birneshe dúrkin chempıony Anatolıı Sachekov, ulttyq quramanyń jattyqtyrýshysy Nurlan Aqúrpekov, «Astana-Arlans» komandasynyń bas bapkeri Sergeı Kachınskııler qatysty.
Týrnırde jaqsy óner kórsetken eń úzdik boksshylardan 2014 jyly Astana qalasynda ótetin álem chempıonatyna qatysatyn qurama qalyptastyrylatyn bolady.
Týrnırdiń negizgi maqsaty - Qarýly Kúshterdiń bedelin arttyrý, jastarǵa patrıottyq tárbıe berý, armııa quramasyn jasaqtaý úshin sportshylardy irikteý, boksty nasıhattaý.
