Armııa Qazaqstan halqynyń beıbit ómirine qalqan bolýy tıis - soǵys ardageri

ASTANA. QazAqparat - Armııa Qazaqstan halqynyń beıbit ómirine qalqan bolýy tıis. Bul pikirdi Astanadaǵy «Qazaq Eli» alańynda ótken Otan qorǵaýshy kúni men Uly Otan soǵysyndaǵy Jeńistiń 70 jyldyǵyna arnalǵan áskerı sherýden keıin soǵys ardageri Nına Moıseenko bildirdi.

«Barsha qazaqstandyqty, ásirese, áskerı qyzmetshilerdi búgingi Otan qorǵaýshy kúni meıramymen quttyqtaımyn. Olarǵa tabys, zor densaýlyq, qyzmet babyndaǵy órleý jáne otbasylarynda amandyq tileımin. Búgin tamasha sherýdiń kýási boldyq, jurttyń barlyǵynyń kóńilinen shyqty. Armııa Qazaqstan halqynyń qorǵany bolýy tıis», - dedi N.Moıseenko.

Aıta keterligi, soǵys ardageri búginde 91 jasqa tolyp otyr. Uly Otan soǵysy jyldarynda ol áskerı baılanysshy bolyp boryshyn ótegen. Qazirgi ýaqytta elordada turady.