Armııa qatarynda qoıan-qoltyq urystyń úzdik jaýyngerleri anyqtaldy
Aqtaý garnızonynyń jańa sport kesheni bazasynda «Batys» óńirlik qolbasshylyǵynyń áskerı bólimderi men quramalarynyń áskerı qyzmetshileri arasynda armııalyq qoıan-qoltyq urystan chempıonat ótti.
Qorǵanys mınıstrliginiń baspasóz qyzmetinen málim etkendeı, jarysqa Aqtaý, Aqtóbe jáne Atyraý garnızondarynyń barlyǵy 70-ke jýyq áskerı qyzmetshisi qatysty. Olar 9 salmaq dárejesi boıynsha saıysqa tústi.
Jalpy komandalyq esepte Aqtaý qalasy 25744 áskerı bóliminiń áskerı qyzmetshileri jeńimpaz atandy. Ekinshi oryn Beıneý aýyly 99116 áskerı bóliminiń áskerı qyzmetshilerine jáne úshinshi oryn Aqtóbe qalasy 30238 áskerı bólimine buıyrdy.
Saıys barysynda jaýyngerler keremet urys sheberlikteri men joǵary daıyndyq deńgeılerin kórsetti.
Birinshilik jeńimpazdary anyqtalǵan qatardaǵy jaýyngerler Islam Rýchkın men Alekseı Leıhner endi osy jyldyń basty dodasy 20-25 qarasha aralyǵynda Astanada ótetin Joǵarǵy Bas Qolbasshynyń kýbogyna daıyndalatyn bolady.
