Armııa halyqaralyq oıyndary: Qazaqstandyq tankishiler fınalǵa óte almady
QR Qorǵanys mınıstrliginen málim etkendeı, saıys qatysýshylary jartylaı fınalda estafeta túrinde baq synady. Ár elden úsh ekıpaj kezektese otyryp, úsh atys shebi men 10 kedergisi bar jalpy uzyndyǵy 16 shaqyrymnan astam qashyqtyqty júrip ótti.
Jarys erejesine sáıkes, komandalar fınalǵa araqashyqtyqty eńserý ýaqyty boıynsha irikteldi.
Osylaısha, eń jaqsy ýaqyt kórsetkishin kórsetken 4 komanda anyqtaldy, olar - Ázerbaıjan, Belarýs, Qytaı jáne Reseı. Atalmysh komandalar 2020 jylǵy 5 qyrkúıekte ótetin Armııa halyqaralyq oıyndarynyń fınalynda jarysqa túsedi.
«Aıta ketý kerek, tank bıatlonyna qatysýshylardyń daıyndyq deńgeıi, básekelestigi jyldan-jylǵa artyp keledi. Bizdiń tankishiler tartysty kúreste 16 qatysýshy el arasynda 5-orynǵa ıe boldy. Olar qysyltaıań jaǵdaılarda ózderiniń berik minez, maqsatqa jetýdegi tabandylyq, jeńiske degen erik-jiger syndy qasıetterin kórsete bildi», - dedi mınıstrlikten.
