ArMı-2019: Qazaqstandyqtar birinshi orynǵa ıe boldy
«Otar» 40-shy baza aýmaǵynda áskerı oıyndar 7-15 tamyz aralyǵynda ótti. Qatysýshylar «Pılotsyz ushatyn apparat ushyrý», «Artıllerııalyq oq atý sheberleri», «Senimdi qabyldaý» atty saıysta baq synady. Ázerbaıjan, Armenııa, Belarýs, Venesýela, Zımbabve, Mysyr, Iran, Qyrǵyzstan, Reseı, Sırııa, Tájikstan, Ózbekstan jáne Qytaı áskerı qyzmetshileri ózderiniń sheberlikterin kórsetti.
Qazaqstan Qarýly kúshteriniń komandasy barlyq úsh jarysta úzdik atynyp, altyn medaldarǵa ıe boldy. Sonymen, «Senimdi qabyldaý» áskerı baılanysshylar baıqaýynda Qazaqstan komandasy jeńimpaz atandy, ekinshi oryndy Reseı men Qytaı, úshinshi oryndy Belarýs jeńip aldy.
Sondaı-aq, saıysta joǵary kásibı sheberlik kórsetken birqatar qatysýshylar jeke nomınatsııalar boıynsha marapataldy. Qazaqstan quramasynyń áskerı qyzmetshisi serjant Nurbol Aldabergenov úzdik radıotelegrafıst atandy. Bizdiń toptyń taǵy bir ókili, kishi serjant Dıdar Seısebaev eń jaqsy sprınter jáne radıo baǵytyndaǵy eń jaqsy maman atandy. Belarýs quramasynyń aǵa leıtenanty Evgenıı Brıl jarystyń úzdik mergeni dep tanyldy. Radıo baǵdarlamalaryn taratýdaǵy úzdik radıotelegraf - Qytaıdan kelgen kishi serjant Hýang Shenge buıyrdy.
Pılotsyz ushatyn apparat ushyrý boıynsha Qazaqstan birinshi orynǵa ıe boldy. Ushý jyldamdyǵyndaǵy jattyǵýlar nátıjesi boıynsha komanda qarsylastarynan ozyp ketti jáne marshrýttyń baqylaý núktelerinen ótý barysynda eń jaqsy ýaqytty kórsetti. Ekinshi oryndy Reseı men Belarýs, úshinshi oryndy Iran ıelendi
Jeke jarysta pılotsyz ushaq ushyrý boıynsha úzdik operator ataǵy ırandyq kapıtan Mohamad Dehganǵa berildi. Belarýs elinen kelgen aǵa leıtenant Vladıslav Rostovskıı úzdik mergen atandy. Reseı kapıtany Dmıtrıı Posevın pılotsyz ushatyn apparat ushyrýdyń úzdik tehnıgi ataǵyn ıelendi.
Áskerı oıyndardyń eń aıshyqty jarystarynyń biri - «Artıllerııalyq oq atý sheberleri» ataǵy boıynsha qazaqstandyq sarbazdar altyn medalmen marapattaldy, Reseı quramasy kúmis medalmen, al Ózbekstan quramalary qola medalǵa qol jetkizdi.
Qazaqstan komandasy eń myqty mınomentshi atandy. Qazylar alqasynyń sheshimi boıynsha bizdiń jaýynger - Gaıbýtdın Abdrahmanov úzdik dep tanyldy. Aǵa serjant Vıacheslav Emelıanov (Reseı) mınomettiń eń jaqsy komandıri, serjant Farýh Odılov (Ózbekstan) úzdik mehanık, al serjant Hıkmet Atakashıev (Ázerbaıjan) úzdik atqysh ataǵyna ıe boldy.
Aıta keterligi, Qazaqstan tórt jyl qatarynan óz aýmaǵynda oıyndar ótkizip keledi. Jyl saıyn bizdiń elge halyqaralyq deńgeıdegi sheberlikterin synaý úshin ártúrli elder men qurlyqtaǵy áskerı mamandar keledi.
Atalǵan úsh jarystan bólek, bizdiń áskerler basqa memleketterde ótetin 13 saıysqa qatysady. Barlyǵy 32 dúbirli dodanyń ishinde qazaqstandyq áskerı qyzmetshiler 16 sport boıynsha baq synaıdy.
ArMI-2019 halyqaralyq áskerı oıyndary 3 tamyzda RF terrıtorııasynda «Patrıot» kórme kesheninde bastaldy.
RF Qarýly kúshteriniń bastamasymen bastalǵan halyqaralyq armııa oıyndary bıyl 5 jyl qatarynan ótkizilip jatyr. 5 jylda saıystardyń mazmuny keńeıip, mańyzy arta tústi. 32 saıys boıynsha 39 elden kelgen 220 áskerı komanda jarysqa túsedi.
Qazaqstan jarystarǵa eń belsendi qatysýshylardyń bestigine kiredi. Sondaı-aq, Armenııa, Belarýs, Ázerbaıjan, Úndistanda ótip jatqan jarystarǵa qatysýda.
Eske salaıyq, «ArMı-2019 » halyqaralyq armııa oıyndarynyń ashylý saltanaty 7 tamyzda QR Qorǵanys mınıstri Nurlan Ermekbaevtyń qatysýymen ótti.
