«ArMI-2017» oıyndary 5 memleket aýmaǵynda ótedi
Bıyl Reseı, QHR, Qazaqstan, Ázerbaıjan jáne Belarýs syndy 5 memleket aýmaǵynda 28 saıys ótkizý josparlanǵan. Qazaqstandyq áskerı qyzmetshiler baq synaıtyn 11 saıystyń tórteýi Reseı aýmaǵynda ótedi, olar «Tank bıatlony», «Áskerı barlaý úzdikteri», «Elbrýs sheńberi» jáne «Aspan kilti» dep atalady. QHR aýmaǵyna qazaqstandyq áskerıler «Qarý-jaraq sheberi» jáne «Desanttyq vzvod» saıystaryna qatysady. Sondaı-aq, Belarýs elinde «Dostastyq jaýyngeri», Ázerbaıjan respýblıkasynda «Teńiz kýbogy» saıystaryna barý kózdelip otyr. Qazaqstan aýmaǵynda 29 shilde 9 tamyz kúnderi «Artıllerııadan oq atý sheberi», «Mergender shebi» jáne «UUA esebiniń saıysy» atty úsh saıys ótedi.
QR Qorǵanys mınıstriniń orynbasarynyń habarlaýynsha, qazaqstandyq komandalardyń daıyndyq jumystary 15 mamyrdan keıin bastalady. Komandalar quramynda jalpy sany 249 adam bar.
«Mundaı aýqymdy saıystarǵa qatysý bizdiń áskerı qyzmetshilerimizdiń jaýyngerlik sheberligin shyńdap, kásibıligin arttyrady. Jáne osyndaı konkýrstardy elimizdiń aýmaǵynda ótkizý Qarýly Kúshterdiń jáne elimizdiń bedelin tanytyp, halyqaralyq deńgeıge kóteredi», - dedi general-maıor Talǵat Janjúmenov.
Atap ótken jón, 2016 jyly ArMI oıyndarynda Qazaqstan komandasy joǵary nátıjelerge qol jetkizdi. Birneshe saıys túrleri boıynsha alǵash ret qatyssa da, Qazaqstan Qarýly Kúshteriniń komandasy jeke quram sany men saıystarǵa qatysý boıynsha aldyńǵy oryndardan kórindi.
